భారత్ అమెరికాల మధ్య ప్రస్తుతమున్న బలమైన సంబంధాలకు మహాత్మ గాంధీ- మార్టిన్ లూథర్ కింగ్ జూనియర్ల వారసత్వం గొప్ప నిదర్శనమని చికాగోలో భారత కాన్సుల్ జనరల్ అమిత్ కుమార్ అభిప్రాయపడ్డారు. గాంధీ-కింగ్ లెగసీ(గాంధీ-కింగ్ల వారసత్వం) మొదటి రౌండ్ టేబుల్ సమ్మిట్లో ఈ మేరకు వ్యాఖ్యానించారు.
ఆసియా కుటుంబం(మెట్రోపాలిటన్ ఏషియన్ ఫ్యామిలీ) సేవల సహకారంతో ఫిబ్రవరి 26న కాంగ్రెస్ మల్టీ అడ్వైజరీ టాస్క్ ఫోర్స్ గాంధీ-కింగ్ లెగసీ పేరిట ఒక కార్యక్రమాన్ని నిర్వహించింది.
భారత్.. ప్రపంచంలోనే అతిపెద్ద ప్రజాస్వామ్యం దేశం. అమెరికా.. పురాతన ప్రజాస్వామ్యం దేశం. ఈ రెండు దేశాల మధ్య ఉన్నత సంబంధాలు గాంధీ-కింగ్ వారసత్వానికి గొప్ప నిదర్శనం.
-అమిత్ కుమార్, భారత కాన్సుల్ జనరల్, చికాగో
భారతదేశం రూపొందించిన కరోనా టీకాలు ప్రపంచ దేశాలకు సరఫరా చేయడం.. ప్రధాని నరేంద్ర మోదీ నాయకత్వ పటిమకు అద్భుత ఉదాహరణ అని అమిత్ కుమార్ అభిప్రాయపడ్డారు.
మార్టిన్ లూథర్ కింగ్ జూనియర్.. గాంధీ శిష్యుడని.. ఆయన బోధనలను ఆచరించారని అమెరికన్ కాంగ్రెస్ సభ్యుడు డానీ కే.డేవిస్ గుర్తుచేశారు.
ఇదీ చదవండి: వైట్హౌస్ మిలటరీ ఆఫీస్ డైరెక్టర్గా భారతీయుడు
