భద్రత, రక్షణ, కీలక విదేశాంగ విధాన సమస్యలపై భారత్, అమెరికా ఉన్నత స్థాయి సమావేశం నిర్వహించాయి. కాలిఫోర్నియా మాంటెరేలో జరిగిన 2+2 చర్చల్లో భాగంగా రెండు దేశాల మధ్య వ్యూహాత్మక సహకారంపై సమీక్షించినట్లు భారత విదేశాంగ శాఖ తెలిపింది.
"సమావేశంలో రెండు ప్రాంతాల అభివృద్ధిపై చర్చ సాగింది. హిందూ-పసిఫిక్ ప్రాంతంలో పరిణామాలపై ప్రస్తావనలో స్వేచ్ఛ, శాంతి, పారదర్శకత ఏర్పడేలా కృషి చేయాలని నిర్ణయించాం. రక్షణ, భద్రత, విదేశాంగ విధానంలో ద్వైపాక్షిక సంబంధాల బలోపేతం, పురోగతిపై సమీక్షించాం."
-భారత విదేశాంగ శాఖ.
ఈ విధమైన 2+2 మంత్రిత్వ శాఖల చర్చలకు 2017లో ప్రధాని నరేంద్రమోదీ వాషింగ్టన్ పర్యటనలో రెండు దేశాలు అంగీకరించాయి. గతేడాది సెప్టెంబర్లో ఈ విధానాన్ని ప్రారంభించారు. ఈ భేటీల్లో అమెరికా విదేశాంగ శాఖ సహాయ మంత్రి, రక్షణ మంత్రులు, భారత్ నుంచి విదేశాంగ, రక్షణ మంత్రులు పాల్గొంటారు.
రెండోదశ సమావేశం వచ్చే రెండు నెలల్లో వాషింగ్టన్లో జరగనుంది.
ఇదీ చూడండి: 'నవ భారత నిర్మాణం కోసం అహర్నిశలు కృషి'
