రోహింగ్యాల సమస్యపై ఐక్యరాజ్యసమితి సాధారణ సభలో కీలక వ్యాఖ్యలు చేశారు ఐరాసలో భారత శాశ్వత రాయబారి టీఎస్ తిరుమూర్తి. బంగ్లాదేశ్లో తలదాచుకుంటున్న రోహింగ్యాలను తిరిగి మయన్మార్ పంపించే తీర్మానంలో ఎక్కువ అధికారం తమకే ఉందన్నారు. ఐరాస సాధారణ సభలో ఆయన ప్రసంగించారు. బంగ్లాదేశ్, మయన్మార్లు ఎక్కువ సరిహద్దును పంచుకునే దేశం భారత్ అని స్పష్టం చేశారు. మయన్మార్ రాఖైన్ రాష్ట్రం నుంచి వచ్చిన దాదాపు 11లక్షల నిరాశ్రయ రోహింగ్యాలు బంగ్లాదేశ్ కోక్స్ బజార్లో తలదాచుకుంటున్నారు.
"రోహింగ్యాల సమస్యపై త్వరతగతిన తీర్మానం చేయటం ఎంతో ముఖ్యం. స్థానిక ప్రజల అభివృద్ధికి మద్దతివ్వాల్సిన అవసరం ఉంది. రోహింగ్యాల సమస్యలను పరిష్కరించటంలో ఉన్న సవాళ్లపై ప్రపంచ దేశాలు కృషి చేయాలి. ఇరు దేశాల ప్రభుత్వాలకు భారత్ సాయం చేస్తుంది. సుమారు 11 లక్షల రోహింగ్యాలకు ఆతిథ్యం ఇచ్చిన బంగ్లాదేశ్ మానవతకు ప్రపంచ దేశాలు మద్దతివ్వాలి."
--- టీఎస్ తిరుమూర్తి, ఐరాసలో భారత శాశ్వత రాయబారి
రోహింగ్యాలను తమ దేశస్థులుగా మయన్మార్ గుర్తించటం లేదు.. వాళ్లు బంగ్లాదేశ్కు చెందిన వలసవాదులని ఆరోపిస్తోంది. తమ దగ్గర ఉన్న దాదాపు 10 లక్షలకు పైగా నిరాశ్రయ రోహింగ్యాలను తిరిగి మయన్మార్ పంపించాలని బంగ్లాదేశ్ సర్కార్ సంసిద్ధమైన సమయంలోనే అక్కడ మిలిటరీ ప్రభుత్వం అధికారం చేపట్టింది.
ఇదీ చదవండి : 'ముస్లింల రాక' నిషేధంపై కాంగ్రెస్లో మళ్లీ బిల్లు
