అమెరికా అధ్యక్ష ఎన్నికల్లో ఓ వింత ఘటన జరిగింది. అయోవాలోని ఓ పోలింగ్ బూత్లో ఓ బ్యాలెట్ స్కానర్ మోరాయించింది. దీనికి శానిటైజర్లు కారణం కావడం అక్కడి వారిని ఆశ్చర్యపరిచింది.
తడి పెరిగిపోయి..
కరోనా నిబంధనలను పాటిస్తూ ఎన్నికలను నిర్వహించేందుకు అయోవా డెస్ మోయినెస్లో శానిటైజర్లను ఏర్పాటు చేశారు ఎన్నికల సిబ్బంది. ఓటర్లు చేతులను శానిటైజ్ చేసుకున్న తర్వాత.. తమ ఓటు హక్కును వినియోగించుకున్నారు. అయితే శానిటైజర్తో తడి ఎక్కువ అవ్వడం వల్ల బాల్యెట్ స్కానర్ జామ్ అయిపోయింది. ఒక గంట పాటు పని చేయలేదు.
ఇతర స్కానర్లకు ఇలాంటి పరిస్థితి ఏర్పడకుండా అధికారులు చర్యలు చేపట్టారు. శానిటైజర్లను మునుపటికన్నా కొంత దూరంలో పెట్టారు.
అయోవాలో ఇటీవలే కరోనా కేసులు మళ్లీ పెరిగాయి. రాష్ట్రంలో ఇప్పటివరకు 1,35,000కుపైగా కేసులు నమోదయ్యాయి.
ఇదీ చూడండి- అధ్యక్ష పోరు: ఈ 'స్వింగ్'కు బౌల్డ్ అయ్యేదెవరు?
