కార్లలో వచ్చి బుల్లెట్ల వర్షం.. 11 మంది మృతి

బ్రెజిల్​లో తుపాకులతో విధ్వంసం సృష్టించారు ఏడుగురు దుండగులు. కార్లలో వచ్చి బెలెమ్​ నగరంలోని ఓ బార్​లో కాల్పులు జరిపారు. ఈ ఘటనలో మొత్తం 11మంది చనిపోయారు.

కాల్పుల మోతతో దద్దరిల్లింది ఉత్తర బ్రెజిల్​లోని బెలెమ్​ నగరం. మూడు కార్లు, ఓ మోటార్​ సైకిల్​పై వచ్చిన ఏడుగురు దుండగులు ఓ బార్​లో విచక్షణా రహితంగా కాల్పులు జరిపారు. ఈ ఘటనలో 11మంది మరణించారు. మృతుల్లో ఆరుగురు మహిళలు, ఐదుగురు పురుషులు ఉన్నట్టు పోలీసులు తెలిపారు.

కాల్పులు జరిపాక దుండగులు పారిపోయారని చెప్పారు పోలీసులు. అయితే, గాయపడిన ఓ దుండగుడిని అదుపులోకి తీసుకొని విచారిస్తునట్టు వెల్లడించారు.