అమెరికా మాజీ అధ్యక్షుడు డొనాల్డ్ ట్రంప్.. నూతన సమాచార మాధ్యమాన్ని మంగళవారం ప్రారంభించారు. 'ఫ్రమ్ ది డెస్క్ ఆఫ్ డొనాల్డ్ జే ట్రంప్' పేరుతో ఉన్న ఈ మాధ్యమం ప్రస్తుతం ట్రంప్ అధికారిక వెబ్సైట్లో ఓ భాగం. ఈ దీని ద్వారా ట్రంప్కు సంబంధించిన తాజా ప్రకటనలు, ఆయన హయాంలోని ప్రత్యేకతలను పేర్కొంటామని ఆయన కార్యదర్శి జేసన్ మిల్లర్ వెల్లడించారు.
ఇది సోషల్ మీడియా కాదు..
ట్రంప్ కోసం ఏర్పాటు చేసిన ఈ ప్లాట్ఫార్మ్ సామాజిక మాధ్యమం కాదని మిల్లర్ స్పష్టం చేశారు. ఈ మాధ్యమానికి సంబంధించి మరిన్ని వివరాలను త్వరలో వెల్లడిస్తామని తెలిపారు. ఈ సందర్భంగా ఆ మాధ్యమంలో 30 సెకన్ల నిడివిగల ఓ వీడియోను పోస్ట్ చేశారు. ట్రంప్ సామాజిక మాధ్యమాల ఖాతాల నిషేధానికి సంబంధించిన విషయాలను ప్రస్తావిస్తూ ఆ వీడియోను తీర్చిదిద్దారు.
ఈ మాధ్యమంలో ట్రంప్ తన అధ్యక్ష పదవికి రాజీనామా చేసినప్పటి నుంచి ఆయన చేసిన ప్రకటనలను పొందుపరిచారు.
ఇదీ చదవండి : భారత ప్రయాణికులపై అమెరికా నిషేధం అమలు
