అమెరికా అధ్యక్షుడు డొనాల్డ్ ట్రంప్ అభిశంసనకు చర్యలు తీసుకోవాలని డెమొక్రటిక్ పార్టీ సెనెటర్, ఆశావాహ అధ్యక్ష అభ్యర్థి ఎలిజబెత్ వారెన్ దిగువసభను కోరారు. 2016 అమెరికా అధ్యక్ష ఎన్నికల్లో రష్యా జోక్యం, కుట్ర విషయంలో ట్రంప్ ప్రమేయం ఉందని ఆమె ఆరోపించారు.
"మ్యూలర్ నివేదిక వాస్తవాలు తెలియజేస్తోంది. 2016 అమెరికా అధ్యక్ష ఎన్నికలపై విదేశీ ప్రభుత్వం(రష్యా) దాడి చేసింది. డొనాల్డ్ ట్రంప్కు సహాయం అందించింది. ఆ సహాయాన్ని ట్రంప్ స్వాగతించారు. ట్రంప్ అధికారంలోకి వచ్చాక (మ్యూలర్) దర్యాప్తును ఆటంకపరిచారు."
- ఎలిజబెత్ వారెన్, మాసాచుసెట్స్ సెనెటర్
2016 అమెరికా అధ్యక్ష ఎన్నికల్లో ట్రంప్కు అనుకూలంగా రష్యా జోక్యం, కుట్రపై 'మ్యూలర్ నివేదిక' ఇటీవలే విడుదలైంది. ఎన్నికల్లో జోక్యానికి రష్యా ప్రయత్నించిందని, అయితే ట్రంప్ వర్గం మాత్రం ఆ చర్యల్ని సమర్థించలేదన్నది నివేదిక సారాంశం.
ఇదీ చూడండి: పింఛను పెంచమన్న జవాన్లకు ఆరేళ్ల జైలు
