అమెరికా మాజీ అధ్యక్షుడు డొనాల్డ్ ట్రంప్నకు మరో ఎదురుదెబ్బ తగిలింది. అధ్యక్ష ఎన్నికల ఫలితాలను తారుమారు చేసేందుకు ప్రయత్నించారన్న ఆరోపణలపై జార్జియాలోని ఫుల్టన్ కౌంటీ జిల్లా కోర్టు నేర దర్యాప్తునకు ఆదేశించింది. ఈ విషయంపై సంబంధిత అధికారులకు బుధవారం నోటీసులు జారీ చేసింది. దర్యాప్తునకు అధికారులు అన్ని విధాల సహకరిస్తారని ఆశిస్తామని కోర్టు నోటీసుల్లో పేర్కొంది.
ఎన్నికల వేళ ట్రంప్, జార్జియా రాష్ట్ర మంత్రి బ్రాడ్ రాఫెన్స్పెర్జర్ మధ్య జరిగిన ఫోన్ సంభాషణ ఇటీవల బహిర్గతమైంది. ఇప్పటికే అభిశంసన ప్రక్రియతో సతమతమవుతున్న ట్రంప్నకు ఈ చర్య గుదిబండగా మారింది.
సంభాషణల్లో..
గతేడాది ఎన్నికల సమయంలో బ్రాడ్ రాఫెన్స్పెర్జర్కు ఫోన్ చేసిన ట్రంప్.. మరిన్ని ఓట్లు పడేలా ప్రయత్నించాలని ఆదేశించినట్లు ఆరోపణలు ఉన్నాయి. కానీ పక్షంలో తీవ్ర పరిణామాలు ఎదుర్కోవాల్సి వస్తుందని బెదిరింపులకు పాల్పడ్డారు. మీ వద్ద తప్పుడు సమాచారం ఉందంటూ బ్రాడ్ బదులు ఇచ్చారు. ఈ రికార్డింగ్ను స్థానిక మీడియా బహిర్గతం చేసింది. ట్రంప్పై వస్తున్న ఆరోపణలను రిపబ్లికన్ నేత అయిన బ్రాడ్ సమర్థించడం గమనార్హం.
ఇదీ చదవండి : 'అభిశంసన'లో ట్విస్ట్- ట్రంప్కు సొంత లాయర్ షాక్!
