మహమ్మారి కరోనా వ్యాప్తి నేపథ్యంలో ఎన్95, సర్జికల్ మాస్కులు కొరత ఏర్పడింది. దీంతో ప్రజలే సొంతంగా మాస్కులు తయారు చేసుకొని ఉపయోగించుకుంటున్నారు. వీటిపై అధ్యయనం చేసిన పరిశోధకులు కాటన్, సహజ శిల్క్ లేదా షిఫాన్తో కలిపి తయారు చేసిన మాస్కులు గాలితుంపరలను బాగా అడ్డుకుంటాయని తేల్చారు. వైరస్ నుంచి రక్షిస్తాయని వెల్లడించారు.
అనుమానంతో పరిశోధన..
ఏరోసోల్స్ అని పిలిచే సూక్ష్మరూపంలో ఉండే తుంపరులు తెరిచి ఉన్న కొన్ని వస్త్రాల ఖాళీల మధ్య నుంచి సులభంగా జారిపోతాయి. ఇదే విషయం కొంతమంది నిపుణుల్లో వస్త్ర మాస్కులు వ్యాధిని నివారించడంలో సహాయపడతాయా? అనే సందేహానికి దారితీసింది. దీంతో అమెరికాలోని షికాగో విశ్వవిద్యాలయం పరిశోధకులు అధ్యయనం చేశారు. దీనికి సంబంధించిన పలు విషయాలను ఏసీఎస్ నానో జర్నర్లో ప్రచురించారు. సాధారణ దస్తులు సూక్ష్మ పరిమాణంలో ఉన్న గాలి తుంపర్లను వడపోయగలవని శాస్త్రవేత్తలు వెల్లడించారు.
కణాలు ప్రవేశించే రేటు ఆధారంగా..
10 నానోమీటర్ల నుంచి 6 మైక్రోమీటర్ల వ్యాసం కలిగిన కణాలను ఉత్పత్తి చేయడానికి ఏరోసోల్ మిక్సింగ్ చాంబర్‌ను ఉపయోగించారు. ఇది ఒక వెంట్రుక వెడల్పు కంటే వంద రెట్లు చిన్నగా ఉంటుంది. మాస్కు లేకుండా శ్వాస తీసుకునేటప్పుడు, మాస్కు ఉన్నప్పుడు ప్రవేశించే కణాలు రేటును సరిపోల్చారు.
ఖాళీలుంటే పని చేయదు!
ఒక పొర గట్టిది ఉలెన్ కాటన్, మరో రెండు పొరలు పాలిస్టర్ స్పాండెక్స్, షిఫాన్తో తయారు చేసిన మాస్కు... ఎన్95 మాస్కులాగానే పని చేస్తుందని నివేదించారు శాస్త్రవేత్తలు. ధూళి కణాలు ప్రవేశించాలంటే 80 నుంచి 99శాతం వాటి పరిమాణం మీద ఆధారపడి ఉంటుందని తెలిపారు. పొరల మధ్య ఖాళీలు ఉంటే వడపోత సామర్థ్యం తగ్గిపోతుందని వివరించారు.
ఇదీ చూడండి: బ్రెజిల్‌పై కరోనా పంజా- చేతులెత్తేసిన ఆసుపత్రులు
