అమెరికా, బ్రెజిల్​లో ఆగని కరోనా ఉద్ధృతి

ప్రపంచదేశాలపై కొవిడ్​-19 అంతకంతకూ విజృంభిస్తోంది. శనివారం ఒక్కరోజే సుమారు 2 లక్షల 69వేలకుపైగా కొత్త కేసులు వెలుగుచూశాయి. బాధితుల సంఖ్య 2కోట్ల 70లక్షలకు ఎగబాకింది. వైరస్​తో మరో 4,800 మందికిపైగా ప్రాణాలు కోల్పోగా.. మరణాల సంఖ్య 8లక్షల 83వేలు దాటింది.

ప్రపంచవ్యాప్తంగా ఆందోళకర స్థాయిలో కరోనా కల్లోలం సృష్టిస్తోంది. ఇప్పటివరకూ 2కోట్ల 70లక్షల మందికిపైగా వైరస్​ బారినపడ్డారు. శనివారం ఒక్కరోజే 2లక్షల 69వేల మందికి కరోనా పాజిటివ్​గా తేలింది. కొత్తగా 4,822 మంది చనిపోయారు. ఫలితంగా మొత్తం మృతుల సంఖ్య 8.83 లక్షలకు పెరిగింది.

మహమ్మారి సోకిన వారిలో ఇప్పటివరకు 1.91కోట్ల మంది కోలుకున్నారు. మరో 70 లక్షల మంది వివిధ ఆస్పత్రుల్లో చికిత్స పొందుతున్నారు.

1. మొత్తం కేసులు : 27,054,164
2. మొత్తం మరణాలు : 883,176
3. యాక్టివ్ కేసులు : 7,015,051
4. రికవరీలు : 19,155,937

• అమెరికాలో కరోనా విలయతాండవం కొనసాగుతోంది. శనివారం ఒక్కరోజే 42,095 కొత్త కేసులు నమోదయ్యాయి. ఫలితంగా మొత్తం బాధితుల సంఖ్య 64,31,152కు పెరిగింది. మరో 707 మంది వైరస్​ కారణంగా మరణించగా.. మొత్తం మృతుల సంఖ్య 1,92,818కు చేరింది.
• బ్రెజిల్​లో తాజాగా 31,199 మందికి కొవిడ్​ పాజిటివ్​గా నిర్ధరణ కాగా.. బాధితుల సంఖ్య 41,23,000లకు ఎగబాకింది. మహమ్మారి ధాటికి మరో 646మంది బలవ్వగా.. మొత్తం ప్రాణాలు కోల్పోయిన వారి సంఖ్య 1,26,230కు పెరిగింది.

ఆయా దేశాలపై కరోనా వ్యాప్తి కొనసాగుతోందిలా..

దేశం	మొత్తం కేసులు	మొత్తం మరణాలు
అమెరికా	6,431,152	192,818
బ్రెజిల్​	4,123,000	126,230
రష్యా	1,020,310	17,759
పెరూ	683,702	29,687
కొలంబియా	658,456	21,156
దక్షిణాఫ్రికా	636,884	14,779
మెక్సికో	623,090	66,851

ఇదీ చదవండి: మెరుగైన రక్షణ కల్పించే పునర్వినియోగ మాస్కు