ప్రపంచ వ్యాప్తంగా కరోనా మహమ్మారి అంతకంతకూ విజృంభిస్తోంది. ఇప్పటివరకు వైరస్ బారిన పడినవారి సంఖ్య 83,99,486కు చేరుకుంది. కరోనా కారణంగా 4,51,257 మంది మృత్యువాత పడ్డారు. 44.14లక్షల మంది కోలుకున్నారు.
అమెరికాలో కరోనా విజృంభణ కొనసాగుతూనే ఉంది. ఒక్కరోజులోనే 26 వేల కేసులు నమోదయ్యాయి. మొత్తం కరోనా కేసుల సంఖ్య 22.34 లక్షలకు చేరింది. కరోనా బారిన పడి తాజాగా 809 మంది మృతిచెందగా మొత్తం 1,19,941 మంది మరణించారు.
బ్రెజిల్లో భారీగా..
దక్షిణ అమెరికా దేశం బ్రెజిల్లో మహమ్మారి విలయతాండవం సృష్టిస్తోంది. గడిచిన 24 గంటల్లో రికార్డు స్థాయిలో 31,475 మందికి వైరస్ సోకింది. దేశంలో కరోనా కేసుల సంఖ్య 9.6 లక్షలకు పెరిగింది. ఒక్కరోజే 1,209 మంది మరణించారు. మొత్తం మృతుల సంఖ్య 46,665కు చేరింది.
రష్యాలో కరోనా కేసులు స్థిరంగా పెరుగుతన్నాయి. ఇప్పటివరకు మొత్తం 5.5 లక్షల మంది కరోనా బారిన పడ్డారు. రష్యాలో మరణాల సంఖ్య మాత్రం అదుపులోనే ఉంది. ఆ దేశంలో 7,478 మంది మృతిచెందారు.
వివిధ దేశాల్లో ఇలా..
పెరూ, చిలీ, మెక్సికో, అర్జెంటీనా, దక్షిణాఫ్రికా, సౌదీ అరేబియా, పాకిస్థాన్, బంగ్లాదేశ్లో రోజురోజుకూ కరోనా ఉద్ధృతి పెరుగుతోంది.
ఫ్రాన్స్, ఇటలీలో కేసుల సంఖ్య క్రమంగా తగ్గుతోన్నా బ్రిటన్, ఇరాన్, జర్మనీల్లో మళ్లీ పెరుగుదల కనిపిస్తోంది.
