అమెరికాను 'క్లౌడెట్టే' వాయుగుండం అతలాకుతలం చేస్తోంది. ఉష్ణమండల తుపాను అయిన క్లౌడెట్టే... ఆదివారం బలహీనపడి ఉష్ణమండల వాయుగుండంగా మారింది. అయితే మళ్లీ తుపానుగా బలపడి.. తూర్పు తీరాన్ని తాకుతుందని అక్కడి వాతావరణ శాఖ అంచనా వేసింది.
క్లౌడెట్టే ధాటికి వివిధ ఘటనల్లో 13 మంది మృతి చెందారు. అలబామాలో భారీగా వీచిన గాలులతో ఓ ట్రక్కు క్రాష్ అయింది. ఈ ప్రమాదంలో ఎనిమిది మంది చిన్నారులు ప్రాణాలు కోల్పోయారు. మరో వాహనంలో ఉన్న ఇద్దరు సైతం మరణించారు. అనేక మంది గాయపడ్డారు.
క్లౌడెట్టే ధాటికి అలబామాలోని బర్మింగ్హమ్ ప్రాంతంలో ఆకస్మిక వరదలు సంభవించాయి. వరదలో ఓ వ్యక్తి కొట్టుకుపోయాడని అధికారులు తెలిపారు. అతడి జాడ కోసం గాలింపు చేపట్టారు. మరోవైపు, జార్జియా, కరోలినా ప్రాంతాల్లో మూడు నుంచి ఎనిమిది సెంటీమీటర్ల మేర వర్షపాతం నమోదైంది. నార్త్ కరోలినాలో తుపాను హెచ్చరికలు జారీ అయ్యాయి.
ఇదీ చదవండి: ఇరాన్లో ఏకైక అణు విద్యుత్ ప్లాంట్ మూసివేత
