'దక్షిణాసియాపై పెరుగుతున్న చైనా పట్టు'

దక్షిణాసియా ప్రాంతంలో చైనా తన ఉనికిని పెంచుకుంటోందని ఓ నివేదికను విడుదల చేసింది అమెరికాకు చెందిన ఇన్​స్టిట్యూట్​ ఆఫ్​ పీస్​. దీని వల్ల ఆ ప్రాంతంలో పోటీతత్వం పెరుగుతోందని పేర్కొంది. అయితే చైనా ఉనికిపై అమెరికా దృష్టిసారించాలని.. అప్పుడే ఆ ప్రాంతంలో తమ విధానాలు విజయం సాధించేందుకు అవకాశం ఉంటుందని స్పష్టం చేసింది.

దక్షిణాసియా వ్యవహారాల్లో చైనా తన పాత్రను పెంచుకుంటోందని.. ఇది ఆ ప్రాంతం రాజకీయ, ఆర్థిక, భద్రతపై ప్రభావం చూపుతుందని అమెరికాకు చెందిన ఓ పరిశోధనా సంస్థ వెల్లడించింది. ఈ వ్యవహారంపై దృష్టిసారిస్తేనే.. దక్షిణాసియా ప్రాంతంలో తమ విధానాలను విజయవంతంగా అమలు చేయడానికి అమెరికాకు ఆస్కారం ఉంటుందని తన నివేదికలో పేర్కొంది యూఎస్​ ఇన్​స్టిట్యూట్​ ఆఫ్​ పీస్​. చైనా ఉనికి పెరుగుతుండటం వల్ల ఆ ప్రాంతంలో పోటీతత్వం మెరుగుపడుతోందని పేర్కొంది.

ఈ 'చైనాస్​ ఇన్​ఫ్లుయెన్స్​ ఆన్​ కాన్​ఫ్లిక్ట్​ డైనమిక్స్​ ఇన్​ సౌత్​ ఏషియే స్టేట్ట్​' నివేదికను సీనియర్​ నిపుణులు, మాజీ విధానకర్తలు, విశ్రాంత దౌత్యవేత్తలు రూపొందించారు. చైనా ఉనికి వల్ల దక్షిణాసియాలో ఇప్పటికే పెను మార్పులు చోటు చేసుకుంటున్నాయని వీరు నివేదికలో పేర్కొన్నారు. అమెరికా-చైనాలకు దక్షిణాసియా ఎంతో ముఖ్యమైన ప్రాంతంగా అభివర్ణించారు. అయితే.. ఇరు దేశాల ద్వైపాక్షిక పోరు వల్ల ఆ ప్రాంతంలో సహకారం క్లిష్టంగా మారుతుందని.. ముఖ్యంగా ఏదైనా సంక్షోభం తలెత్తితే పరిస్థితులు దారుణంగా ఉంటాయని హెచ్చరించారు.

చైనా-పాకిస్థాన్​ సత్సంబంధాలు మరింత ధృడమైనట్లు పరిశోధనా సంస్థ అభిప్రాయపడింది. భారత్​- పాకిస్థాన్​ మధ్య వైరం కొనసాగుతోన్న నేపథ్యంలో చైనా వైఖరి... పాక్​కే అనుకూలంగా ఉన్నట్టు తన నివేదికలో పేర్కొంది. కశ్మీర్​ విషయంలో చైనా ప్రవర్తించిన తీరు ఇందుకు నిదర్శనమని తెలిపింది. చైనా- భారత్​ సరిహద్దు ప్రాంతంలో నెలకొన్న ఉద్రిక్తతలకు అధిక ప్రాధాన్యత ఉంటుందని.. అదే సమయంలో ఇరు దేశాల మధ్య పోటీతత్వం భారీగా పెరుగుతుందని స్పష్టం చేసింది.

ఇదీ చదవండి:టీకాపై తప్పుడు ట్వీట్లు చేస్తే ఇక అంతే!