అమెరికా నల్లజాతీయుడు జార్జిఫ్లాయిడ్ మరణానికి కారణమైన పోలీసు అధికారి డెరిక్ చౌవిన్ను దోషిగా తేల్చింది అమెరికా మినియాపొలిస్ కోర్టు. మంగళవారం ఈ తీర్పును వెలువరించింది. డెరిక్కు బెయిల్ రద్దు చేస్తున్నట్లు తెలిపిన న్యాయస్థానం.. మరో రెండు నెలల్లో శిక్ష ఖరారు చేస్తామని స్పష్టం చేసింది. 40 ఏళ్ల పాటు డెరిక్కు జైలు శిక్ష పడే అవకాశాలు కనిపిస్తున్నాయి.
కోర్టు తీర్పుపై హర్షం వ్యక్తం చేశారు ఫ్లాయిడ్ కుటుంబసభ్యులు. ఈ తీర్పు అనంతరం.. ఫ్లాయిడ్ మద్దతుదారులు అమెరికా వ్యాప్తంగా ర్యాలీలు చేపట్టారు. వీధుల్లో ప్లకార్డులు పట్టుకుని తిరుగుతూ ఆనందం వ్యక్తం చేశారు. 'ఈరోజు మేము మళ్లీ శ్వాస తీసుకోగలం' అని ఫ్లాయిడ్ తమ్ముడు ఫిలోనైస్ అన్నారు.
ఇదీ చదవండి:
జాతి వివక్షపై అట్టుడుకుతున్న అగ్రరాజ్యం
జాతి వివక్షకు వ్యతిరేకంగా మూడు ఖండాల్లో నిరసనలు
'ఇంతటితో ఆగదు'
వివిక్షకు వ్యతిరేకంగా జరిగిన పోరాటానికి సంబంధించి ఇది కీలక ముందడుగు అని అమెరికా అధ్యక్షుడు జో బైడెన్ అన్నారు. ఫ్లాయిడ్ కేసులో చౌవిన్ను కోర్టు దోషిగా తేల్చిన అనంతరం.. శ్వేతసౌదం నుంచి మాట్లాడారు బైడెన్. 'ఇది సరిపోదు.. ఇంతటితో ఆగదు' అని అన్నారు.
తర్వాత అధ్యక్షుడు బైడెన్, ఉపాధ్యక్షురాలు కమలాహారిస్.. ఫ్లాయిడ్ కుటుంబసభ్యులకు ఫోన్ చేసి మాట్లాడారు. ఈ కేసుకు సంబంధించి తప్పక న్యాయం జరుగుతుందని ఆశిస్తున్నట్లు ఫ్లాయిడ్ కుటుంబసభ్యులతో చెప్పారు.
భారతీయ అమెరికన్ల హర్షం
కోర్టు తీర్పును భారతీయ అమెరికన్ చట్టసభ్యులు స్వాగతించారు. 'ఈ తీర్పుతో న్యాయం జరిగింది. అయినప్పటికీ.. డెరిక్కు శిక్ష పడినంత మాత్రాన ఫ్లాయిడ్ను వెనక్కితీసుకురాలేం' అని కాంగ్రెస్ నాయకురాలు ప్రమీల జైపాల్ అన్నారు. బ్లాక్ లైవ్స్ మేటర్ అని నినాదాలు చేశారు.
అరెస్టు చేసే నెపంతో ఫ్లాయిడ్ మెడమీద తొమ్మిది నిమిషాలపాటు కాలుపెట్టి ఆయన మరణానికి కారకుడయ్యారు పోలీసు అధికారి చౌవిన్. ఈ నేపథ్యంలో చౌవిన్.. సెకండ్ డిగ్రీ అన్ఇంటెన్షనల్ మర్డర్, థర్డ్ డిగ్రీ మర్డర్, సెకండ్ డిగ్రీ మ్యాన్స్లాటర్కు కారకుడని, అతనికి ఈ మూడు కేసులకు సంబంధించిన శిక్ష విధించనున్నట్లు కోర్టు తెలిపింది.
ఇదీ చదవండి:
