కరోనాపై పోరులో భాగంగా కెనడా కీలక నిర్ణయం తీసుకుంది. ఆస్ట్రాజెనెకా టీకా మొదటి డోసు తీసుకున్నవారు రెండో డోసు కింద ఫైజర్ లేదా మోడెర్నా వ్యాక్సిన్ను తీసుకోవచ్చని స్పష్టం చేసింది. ఈ మేరకు కెనడా నేషనల్ అడ్వైజరీ కమిటీ ఆన్ ఇమ్యూనైజేషన్ గురువారం తెలిపింది. ఆస్ట్రాజెనెకా టీకా మొదటి డోసు తీసుకున్నవారు కావాలనుకుంటే.. ఫైజర్ లేదా మోడెర్నా టీకా తీసుకోవచ్చని జూన్ 1నే ఈ కమిటీ తెలిపింది. అయితే రెండో డోసు ఎమ్ఆర్ఎన్ఏ వ్యాక్సినే అయి ఉండాలని తాాజా ప్రకటనలో పేర్కొంది.
కొవిడ్తో ముప్పు అధికంగా ఉన్నవారు ఫైజర్ లేదా మోడెర్నా టీకా కోసం వేచి చూడకుండా ఆస్ట్రాజెనెకా టీకా తీసుకోవాలని ఈ కమిటీ గతంలో చేసిన సూచనలను తాజాగా సవరించింది. ఎలాంటి అలర్జీలు లేకపోతే ప్రతిఒక్కరూ ఎంఆర్ఎన్ఏ వ్యాక్సిన్ను మొదటి డోసుగా తీసుకోవచ్చని సూచించింది. ఫైజర్, మోడెర్నా టీకాల సరఫరా, ఆస్ట్రాజెనెకాతో రక్తంలో గడ్డ కట్టే సమస్యలు ఎదురవుతున్నాయన్న వార్తల నేపథ్యంలో ఈ తాజా సూచనలు చేసినట్లు కమిటీ ఛైర్మన్ డాక్టర్ షెల్లీ దీక్స్ తెలిపారు. అదే సమయంలో ఆస్ట్రాజెనెకా టీకా మొదటి డోసు లేదా రెండు డోసులూ తీసుకున్న వారికి వైరస్ ముప్పు తప్పుతోందని ఆమె పేర్కొన్నారు.
ఇదీ చూడండి: Covaxin: కెనడాకు 'కొవాగ్జిన్‌' టీకా.. ఆక్యుజెన్తో డీల్
ఇదీ చూడండి: 12ఏళ్లు దాటితే వ్యాక్సిన్.. కెనడా అనుమతి!
