కేబుల్​ కార్లు రై...రై

బొలీవియాలో కేబుల్​ కార్లు సందడి చేస్తున్నాయి. ప్రశాంత వాతావరణంలో తక్కువ సమయంలోనే ప్రయాణికులను గమ్యస్థానాలకు చేరుస్తున్నాయి. శనివారం చివరిదశ కేబుల్​ కార్లు బొలీవియావాసులకు అందుబాటులోకి వచ్చాయి.

నిత్యం రద్దిగా ఉండే మహానగరాల్లో ట్రాఫిక్​ ఇక్కట్లు అంతా ఇంతా కాదు... కాలుష్యం కష్టాల గురించి ప్రత్యేకంగా చెప్పాల్సిన అవసరం లేదు. వీటికి ప్రత్యామ్నాయంగా అనేక దేశాల్లో ముఖ్య నగరాలను జోడిస్తూ మెట్రో రైళ్లు పరుగులు తీస్తుంటాయి. కానీ బొలీవియా మాత్రం ఆకాశ మార్గమైన కేబుల్​ కార్లను తన ప్రధాన రవాణా వ్యవస్థల్లో ఒకటిగా చేసుకుంది.

బొలీవియాలో కేబుల్​ కార్లు సందడి చేస్తున్నాయి. చివరి దశగా లా పాజ్​ నుంచి ఎల్​ ఆల్టో వరకు 33 కిలోమీటర్ల మేర నిర్మించిన కేబుల్​ కార్ల ప్రాజెక్టు శనివారం అందుబాటులోకి వచ్చింది.

వీటిలో ప్రయాణం ఎంతో ప్రశాంతంగా ఉందని ప్రయాణికులు అంటున్నారు.

"ఇదొక మంచి ప్రత్యామ్నాయం. గమ్యస్థానాన్ని తొందరగా చేరుకోవచ్చు. ఎక్కువ బస్సులు మారాల్సిన అవసరం లేదు... పైగా బస్సులు రద్దీగా ఉంటాయి. కానీ కేబుల్​ కార్లు ఎంతో ప్రశాంతం, సురక్షితం."
--- జౌన్​ కార్లొస్​, ప్రయాణికురాలు.

2014లో తొలిదశ కేబుల్​ కార్లు వినియోగంలోకి వచ్చాయి. ఆస్ట్రియా కంపెనీ డాప్పెల్​మైర్​ నిర్మించిన ఈ రవాణా వ్యవస్థలో ఆ దేశ ప్రభుత్వం 740 మిలియన్​ డాలర్లు పెట్టుబడి పెట్టింది. ఈ ప్రాజెక్టు పూర్తికావడానికి 7ఏళ్ల సమయంపట్టింది.