బ్రెజిల్లో కరోనా విజృంభిస్తోంది. ఇప్పటివరకు 6,76,494 మందికిపైగా వైరస్ సోకింది. మృతుల సంఖ్య 36 వేలు దాటింది. ప్రపంచంలోనే అత్యధిక కరోనా కేసులు నమోదైన దేశాల్లో రెండో స్థానంలో నిలిచింది బ్రెజిల్.
ఈ నేపథ్యంలో కరోనా కేసుల వివరాలను అధికారిక వెబ్సైట్ నుంచి తొలిగించింది ఆ దేశ ప్రభుత్వం. వైరస్ వ్యాప్తి నియంత్రణలో విఫలమయ్యారని అధ్యక్షుడు జైర్ బొల్సొనారోపై తీవ్ర విమర్శలు వచ్చిన నేపథ్యంలో ఈ నిర్ణయం తీసుకుంది.
కొత్త లెక్కలు
కరోనా వివరాలను డాకుమెంట్స్ రూపంలో భద్రపరుస్తున్నామని తెలిపింది ఆ దేశ ఆరోగ్య మంత్రిత్వ శాఖ. మొత్తం కేసుల వివరాలు చెప్పకుండా... గత 24 గంటల్లో 27,075 కొత్త కేసులు, 904 మరణాలు సంభవించాయని వెల్లడించింది. 10,029 మంది మరణించారని తెలిపింది.
ఇదే విషయంపై జైర్ బొల్సొనారో మాట్లాడుతూ.. కేవలం కరోనా వివరాలు బ్రెజిల్ పరిస్థితిని ప్రతిబింబించలేవని అన్నారు. కరోనా నియంత్రణకు మరిన్ని చర్యలు తీసుకుంటున్నట్లు వివరించారు. అయితే వెబ్సైట్ నుంచి డేటాను ఎందుకు తొలగించారన్న అంశంపై స్పష్టత ఇవ్వలేదు బొల్సొనారో.
కరోనా డేటాను డిలీట్ చేయడాన్ని తప్పుబట్టారు ఆ దేశ జర్నలిస్టులు, కాంగ్రెస్ సభ్యులు.
ఇదీ చూడండి : లైవ్ వీడియో: సర్ఫర్పై షార్క్ దాడి
