అధ్యక్షుడు డొనాల్డ్ ట్రంప్ను ఓడించేందుకు అమెరికా అధ్యక్ష రేసు నుంచి తప్పుకుంటున్నట్లు ప్రకటించారు అధ్యక్ష అభ్యర్థిత్వం రేసులో ఉన్న డెమొక్రాట్ మైకెల్ బ్లూమ్బర్గ్. అయితే జో బిడెన్కు తాను మద్దతిస్తున్నట్లు ట్విట్టర్ వేదికగా స్పష్టం చేశారు.
" డొనాల్డ్ ట్రంప్ను ఓడించేందుకు మూడు నెలల క్రితం నేను అధ్యక్ష రేసులోకి ప్రవేశించాను. ట్రంప్ను ఓడించాలనే కారణంతో ఈ రోజు రేసు నుంచి తప్పుకుంటున్నా. ఎందుకంటే రేసులో ఉండి నా లక్ష్యాన్ని సాధించడం మరింత కష్టం అవుతుంది."
- మైకెల్ బ్లూమ్బర్గ్
అధ్యక్ష రేసుకోసం ఇప్పటికే 500 మిలియన్ల డాలర్లుకుపైగా ఖర్చు చేశారు బ్లూమ్బార్గ్. కానీ దేశవ్యాప్తంగా 15 రాష్ట్రాల్లో నిర్వహించిన ఎన్నికల్లో డెమొక్రటిక్ పార్టీ తరఫున.. సమోవా కాకస్ మినహా మిగతా రాష్ట్రాల్లో పరాజయం పొందారు.
ఇదీ చూడండి: ఎన్నికల్లో ట్రంప్ను ఢీకొట్టేది ఆ ఇద్దరిలో ఎవరు?
