సాధారణంగా అమెరికా అధ్యక్ష ఎన్నికల ప్రచారంలో చివరి అంకం రసవత్తరంగా ఉంటుంది. క్షేత్రస్థాయి పర్యటనలు, ర్యాలీలు, వాడీవేడి సంవాదాలు, ఉద్విగ్న ప్రసంగాలు.. ఇలా అభ్యర్థులు పదునైన వ్యూహాలతో, గెలుపు అస్త్రాలతో నువ్వా-నేనా అన్నట్లు ప్రజాక్షేత్రంలో తలపడతారు. కానీ, కరోనా విలయంతో అమెరికా సారథిని నిర్ణయించే ఎన్నికలు తీవ్రంగా ప్రభావితమయ్యాయి. ముఖ్యంగా ట్రంప్ను సవాలు చేస్తున్న జో బైడెన్ను ప్రచారంలో వెనుకంజ వేయిస్తోంది కరోనా.
ఆగస్టు 11న ఉపాధ్యక్ష అభ్యర్థిగా భారత మూలాలున్న కమలా హ్యారిస్ను ఎన్నుకున్న తర్వాత బైడెన్ ప్రచారం పూర్తిగా మందగించిందన్న వాదనలు వినిపిస్తున్నాయి. బహిరంగ సమావేశాలు తగ్గిపోగా.. డిజిటల్ ఫండ్ రైజింగ్ కార్యక్రమాలకు, లేదంటే సొంత రాష్ట్రం డెలావేర్లో చర్చి ప్రార్థనలకే బైడెన్ పరిమితమయ్యారని చెబుతున్నారు పరిశీలకులు.
బైడెన్... 22 రోజుల వ్యవధిలో స్వరాష్ట్రం వదిలి 12 సార్లు మాత్రమే బయటకు వచ్చారని.. అదే సమయంలో అధ్యక్షుడు డొనాల్డ్ ట్రంప్ 24 సుడిగాలి పర్యటనలు చేశారని చెబుతున్నారు. ఈ క్రమంలో ప్రచారంలో భాగంగా ట్రంప్ 17 రాష్ట్రాలు చుట్టేశారు.
ఇదీ చూడండి: ట్రంప్ వెంటే ఇండో-అమెరికన్లు.. తేల్చిన సర్వే
అయితే, బైడెన్ వ్యూహాత్మకంగానే ఇలా వ్యవహరిస్తున్నారని అంటున్నారు ఆయన మద్దతుదారులు. కరోనా వేళ వైరస్ వ్యాప్తి చెందకుండా ప్రభుత్వ నియమాలు పాటిస్తూ డిజిటల్ ప్రచారాలకు మొగ్గుచూపుతున్నారని వాదిస్తున్నారు. అదే సమయంలో ట్రంప్ భారీ ప్రచార ర్యాలీలు నిర్వహిస్తూ.. కరోనా నిబంధనలు ఉల్లంఘిస్తున్నారని, స్థానిక అధికారులకు సమస్యలు సృష్టిస్తున్నారని విమర్శిస్తున్నారు.
మా ప్రచార వ్యూహాం సురక్షితంగా, అదే సమయంలో ప్రభావితంగా ఉంటుంది. మా సందేశం ఓటర్లకు చేరువవుతోంది. ప్రజల్లోంచే ట్రంప్ను ఓడించేందకు ఉత్సాహం, చైతన్యం వస్తున్నాయి.
-టీజే డక్లో, బైడెన్ అధికార ప్రతినిధి
ఇదీ చూడండి: 'అమెరికా అభివృద్ధిలో భారతీయులదే కీలక పాత్ర'
బైడెన్ ప్రచారంలో మరింత జోష్ ఉండాలని చెబుతున్నారు కొంతమంది డెమొక్రాట్లు. టెక్సాస్, ఆరిజోనా వంటి రాష్ట్రాల్లో విస్తృతంగా పర్యటించినట్లైతే లాటిన్ ఓటర్లను ఆకట్టుకునే అవకాశముందంటున్నారు. పర్యటనలు కొంత ఒత్తిడి తగ్గిస్తాయని వారు అభిప్రాయపడుతున్నారు.
ప్రచారంలో పాల్గొనకపోవటానికి కరోనాను కారణంగా చూపటం సరికాదు. బైడెన్ వద్ద సొంత విమానం ఉంది. పర్యటనల కోసం ప్రయాణానికి ఇబ్బంది పడాల్సిన అవసరం లేదు.
-గిల్బెర్టో హినొజోసా, డెమొకట్రిక్ పార్టీ నేత
కొన్ని నెలల పాటు బైడెన్-ట్రంప్ మధ్య ప్రచార పర్వం పోటాపోటీగానే సాగింది. బైడెన్ జాతీయ పోల్స్లో మొదటినుంచి ఆధిక్యం కనబరుస్తున్నారు. అయితే, ఫలితాలు నిర్ణయించే కొన్ని కీలక రాష్ట్రాల్లో స్వల్ప ఆధిక్యమే ఉంది. ఈ నేపథ్యంలో డెమొక్రాట్లపై 2016లోనూ ఇలాంటి అంచనాలే వచ్చినా.. ఫలితాల నాటికి పూర్తిగా తారుమరయ్యాయని గుర్తు చేస్తున్నారు విశ్లేషకులు.
మరోవైపు తమ ప్రచార శైలి ఓటర్లను ఎలా ప్రభావితం చేస్తుందనేది తేల్చుకోలేకపోతున్నారు డెమొక్రాట్లు. బైడెన్ నిదానమే ప్రధానం అన్నట్లు వ్యవహరిస్తుండటం, నల్లజాతీయుల సమస్యలు, సుప్రీం కోర్టు తీర్పులపై వివాదాలు.. వంటి అంశాలపై సరైన విధంగా స్పందించట్లేదని, ఇంటర్వ్యూలకే పరిమితవుతున్నారని వాపోతున్నారు. తన వాదనను ప్రజల్లోకి బలంగా తీసుకెళ్లలేకపోతున్నారని అభిప్రాయపడుతున్నారు.
ఇప్పటికేతే బైడెన్ ప్రజల్లోకి వెళ్లిన ప్రతిసారి కరోనా వ్యాప్తిని అడ్డుకోవటంలో ట్రంప్ ప్రభుత్వం విఫలమైందని, కేసుల లెక్కలు దాచేస్తోందని ఆరోపిస్తున్నారు. ఈ నేపథ్యంలో పర్యటనల ద్వారా ఆయన వాదనను ప్రజల్లోకి బలంగా తీసుకెళ్లగలిగితే.. ఫలితాలు ప్రభావితమయ్యే అవకాశాలు ఉంటాయని చెబుతున్నారు పరిశీలకులు.
అయితే, బైడెన్ పర్యటనలు చేపట్టకున్నా.. శక్తిమంతమైన ప్రచారమే చేస్తున్నారు. వర్చువల్ కార్యక్రమాల ద్వారానే ఆయన దాదాపు 363 మిలియన్ డాలర్ల నిధులు సమకూర్చుకున్నారు. ప్రజల మద్దతు భారీగా ఉందన్న సందేశాన్ని ఇలా రిపబ్లికన్లు ఇస్తున్నారని మద్దతుదారులు చెబుతున్నారు.
అధ్యక్షుడు డొనాల్డ్ ట్రంప్ మాత్రం... తన సుడిగాలి పర్యటనలతో ప్రజల్లోకి వెళ్తూ వారిని ఆకట్టుకోవటంలో బైడెన్ కంటే ఎంతో ముందున్నారని రిపబ్లికన్లు చెబుతున్నారు.
ఇదీ చూడండి: రష్యాతో సంబంధం వాళ్లకు.. నిందలు నాపై: ట్రంప్
ఇదీ చూడండి: ట్రంప్ ప్లాన్- బీ: నల్లజాతీయులకు భారీ హామీలు
ఇదీ చూడండి: ఎన్నికల ఫలితాన్ని ట్రంప్ అంగీకరిస్తారు... కానీ...'
