యావత్‌ ప్రపంచాన్ని వణికిస్తున్న కరోనాపై(Corona virus) విజయానికి చేరువయ్యామని అమెరికా అధ్యక్షుడు జో బైడెన్(Joe Biden) ప్రకటించారు. ఆదివారం.. అమెరికా స్వాతంత్ర్య వేడుకల(America independence day) దృష్ట్యా శ్వేతసౌధంలో సుమారు వెయ్యి మందికి ఆయన విందు ఇచ్చారు. ఈ సందర్భంగా.. బాణసంచా వెలుగులను ఆయన కుటుంబసభ్యులతో కలిసి తిలకించారు.
కొవిడ్ నుంచి క్రమంగా బయటపడుతున్నామని, స్వాతంత్ర్య వేడుకలను అమెరికా ప్రజలంతా ఘనంగా జరుపుకోవాలని ఆయన పిలుపునిచ్చారు. వైరస్ నుంచి స్వాతంత్ర్యం వచ్చిందనే ఇతివృత్తంతో ఈ వేడుకలు నిర్వహించాలని సూచించారు.
అయితే కొవిడ్ను పూర్తిగా అధిగమించలేదని, నిబంధనలను కచ్చితంగా పాటించాలని బైడెన్ పేర్కొన్నారు. కరోనా రూపాంతరం చెందుతూనే ఉందని గుర్తుచేసిన అమెరికా అధ్యక్షుడు.. డెల్టా వేరియంట్‌ వంటి శక్తిమంతమైనవి పుట్టుకొస్తున్నాయన్నారు. వ్యాక్సిన్‌లు తీసుకోనివారే వైరస్ కారణంగా ప్రాణాలు కోల్పోతున్నారని నిపుణులు చెబుతుండగా, ప్రజలంతా ధైర్యంగా ముందుకు రావాలని బైడెన్ సూచించారు.
ఇదీ చూడండి: అమెరికా అధ్యక్షుడి ఐస్క్రీం సరదాలు
