'ట్రంప్ యంత్రాంగం భద్రతా సమాచారం పంచుకోవడం లేదు'

డొనాల్డ్ ట్రంప్​ పరిపాలనా విభాగం నుంచి తమకు భద్రత, నిఘా వ్యవస్థలకు సంబంధించిన సమాచారం అందడం లేదని జో బైడెన్ అధికార మార్పిడి బృందం తెలిపింది. ఇది తాము ఊహించని విషయమేమి కాదని పేర్కొంది.

అమెరికా అధ్యక్ష ఎన్నికల్లో గెలుపొందిన జో బైడెన్​, కమలా హారిస్​లకు ట్రంప్ పరిపాలనా విభాగం నుంచి భద్రత, నిఘా సమాచారం అందడం లేదని బైడెన్ అధికార మార్పిడి బృందం తెలిపింది. అయితే ఇది ఆశ్చర్యం కలిగించే విషయం కాదని, అందురూ ఊహించినదేనని పేర్కొంది.

" నిఘా వర్గాల సమాచారం, వాస్తవపరిస్థితులు, ప్రపంచవ్యాప్తంగా ఉన్న అమెరికా బలగాలు, శత్రు దేశాల నుంచి పొంచి ఉన్న ముప్పు వంటి అంశాలపై ట్రంప్ పరిపాలనా విభాగం బైడెన్​, హారిస్​లతో సమాచారం పంచుకోవడం లేదు. అందుకు సంబంధించిన వివరాలేవి చెప్పడం లేదు."

జెన్​ సాకీ, బైడెన్ అధికార మార్పిడి బృందం సలహాదారు.

ఈ విషయంపై ట్రంప్ యంత్రాంగంతో వాగ్వాదానికి దిగే ఆలోచన తమకు లేదని జెన్ సాకీ చెప్పారు. కీలకమైన భద్రత సమాచారం తమతో పంచుకుంటే కొవిడ్ కట్టడికి ప్రాణాళికలు రూపొందించాలని తాము భావిస్తున్నట్లు తెలిపారు. ఇప్పటికే 6 రోజులు గడుస్తున్నా తమకు ఎలాంటి సమాచారం అందడం లేదని ఆమె అన్నారు.

నవంబర్​ 3న జరిగిన అమెరికా అధ్యక్ష ఎన్నికల్లో జో బైడెన్ ఘన విజయం సాధించారు. అయితే ట్రంప్ మాత్రం ఓటమిని అంగీకరించడం లేదు. ఎన్నికల్లో అవకతవకలు జరిగాయని నిరాధార ఆరోపణలు చేస్తున్నారు. కోర్టులను ఆశ్రయించి భంగపాటుకు గురవుతున్నారు.