హవాయ్ లోని ఓహు ఉత్తర తీరంలో శుక్రవారం రాత్రి జరిగిన విమాన ప్రమాదంలో 9 మంది మృతి చెందినట్లు అధికారులు తెలిపారు. కింగ్ ఎయిర్కు చెందిన ఈ విమాన ప్రమాదంలో ఎవరు బతికుండే అవకాశం లేదన్నారు.
ఉత్తర తీరంలోని దిల్లింగమ్ ఎయిర్ ఫీల్డ్ సమీపంలో ఈ ప్రమాదం జరిగింది. ఈ కారణంగా విమానాశ్రయం ముందున్న రహదారిపై రాకపోకలు నిలిపివేసినట్లు హవాయ్ రవాణాశాఖ అధికార ప్రతినిధి తెలిపారు.
అయితే ప్రమాద సమయంలో విమానం ల్యాండ్ అవుతుందా.. నింగికెగురుతుందా అనే విషయాన్ని వెంటనే గుర్తించలేకపోయామన్నారు.
ఇదీ చూడండి: 'ట్రంప్ నన్ను లైంగికంగా వేధించారు'
