అమెరికా టెక్సాస్‌లో ఘోరో ప్రమాదం జరిగింది. వలసదారులతో వెళ్తున్న వ్యాన్ బోల్తా పడిన ఘటనలో 10 మంది మరణించారు. మరో 20 మంది గాయపడ్డారని అధికారులు తెలిపారు. ప్రమాద సమయంలో ఆ వ్యాన్లో 29 మంది ఉన్నట్లు పేర్కొన్నారు. ఎన్‌సినోలోన మెక్‌అల్లెన్‌కు ఉత్తరాన 80 కిలోమీటర్లు దూరంలో ఈ ప్రమాదం జరిగింది.
ఆ వాహనంలో సామర్థ్యానికి మించి 29 మందిని ఎక్కించడమే కాకుండా.. అతివేగంగా నడిపి మార్గం మళ్లించే క్రమంలో ఈ ఘటన జరిగినట్లు అధికారులు చెప్పారు. వ్యాన్కు సంబంధించిన ఎలాంటి సమాచారం లేదని తెలిపారు.
స్మగ్లింగ్ చేసేందుకు దేశంలోకి అక్రమ వలసదారులు చొరబతున్నట్లు అధికారులు చెబుతున్నారు. వారిని వేగంగా నిర్దేశిత ప్రదేశాలకు వేగిరంగా తరలించే క్రమంలో ప్రమాదాలు జరుగుతున్నాయని తెలిపారు.
ఇదీ చూడండి: సైనిక రవాణాలో చైనా మరో ముందడుగు
