మంచు తుపానుతో కొలరాడో గజగజ

అమెరికా కొలరాడోలో భారీగా కురుస్తోన్న మంచుతో ఉష్ణోగ్రతలు పడిపోయాయి. డెన్వర్​ నగరంపై పూర్తిగా మంచు దుప్పటి పరుచుకుంది. జాగ్రత్తగా ఉండాలని అధికారులు హెచ్చరించారు.

అమెరికాలోని కొలరాడోను మంచు తుపాను వణికిస్తోంది. రాష్ట్రవ్యాప్తంగా నిరంతరాయంగా మంచు కురుస్తోంది. ఫలితంగా రోడ్లపై మంచు దుప్పటి పరుచుకుంది. డెన్వర్ నగరంలో 3 అంగుళాల మేర మంచు పేరుకుపోయింది.

హిమపాతంతో రోడ్డు ప్రమాదాలు ఎక్కువయ్యాయి. గురువారం ఒక్కరోజే 100కు పైగా స్వల్ప ప్రమాదాలు చోటు చేసుకున్నాయని అధికారులు తెలిపారు. వాహన చోదకులను జాగ్రత్తగా వ్యవహరించాలని సూచించారు.

ఇదీ చూడండి: కశ్మీర్​లో మళ్లీ పోస్ట్​పెయిడ్​ మొబైళ్ల ట్రింగ్​ట్రింగ్​