అమెరికా వాషింగ్టన్లో దారుణం జరిగింది. హూవర్లోని ప్రముఖ అలబామా షాపింగ్ మాల్లో కాల్పులు జరిగాయి. ఈ ఘటనలో 8 ఏళ్ల బాలుడు మృతి చెందాడు. తీవ్రంగా గాయపడిన మరో ముగ్గురు ఆసుపత్రిలో చికిత్స పొందుతున్నారు.
నిత్యం రద్దీగా ఉండే అలబామా షాపింగ్మాల్లో కాల్పులు కలకలం రేపాయి. మాల్లోని ఓ ఫుడ్ కోర్ట్ వద్ద దుండగులు తుపాకీలతో కాల్పులకు తెగబడ్డారు. దాదాపు అన్ని వైపుల నుంచి 6-7 తూటాల శబ్ధాలు వినిపించినట్టు ప్రత్యక్ష సాక్షులు తెలిపారు. ఘటనా స్థలానికి చేరుకున్న పోలీసుల ఆ ప్రాంతాన్ని ఖాళీ చేయించారు.
స్థానిక మేయర్ ఫ్రాంక్ బ్రోకాటో ఘటనలో మృతి చెందిన, గాయపడిన బాధితుల కుటుంబాలకు సంతాపం తెలిపారు.
అయితే కాల్పులు జరిపింది ఎవరు, ఎందుకు ఇంతటి ఘాతుకానికి తెగబడ్డారో తెలియాల్సి ఉంది. 2018లో ఇదే అలబామా షాపింగ్ మాల్లో.. పోలీసుల కాల్పుల్లో ఓ నల్లజాతీయుడు మృతి చెందాడు. ఇప్పుడు మళ్లీ అదే మాల్లో కాల్పులు జరగడం ఆందోళన కలిగిస్తోంది.
ఇదీ చదవండి: మహిళపై చేయిజేసుకున్న పోలీస్ సస్పెండ్!
