ఆ సంఖ్యకు, ఫ్లాయిడ్​ మృతికి లింకేంటి?

యావత్ అమెరికా జాత్యహంకార వ్యతిరేక నినాదాలతో హోరెత్తుతోంది. కొన్ని చోట్ల శాంతియుత నిరసనలు హింసాత్మకంగా మారాయి. ఆఫ్రో-అమెరికన్​ జార్జ్​ ఫ్లాయిడ్​ మృతికి వ్యతిరేకంగా దేశవ్యాప్తంగా ప్రదర్శనలు చేస్తున్నారు. అయితే.. ఈ నిరసనల్లో కొద్ది రోజులుగా 8:46 అనే సంఖ్యకు ఎనలేని ప్రాధాన్యం ఏర్పడింది. అదే ఉద్యమ నినాదంగా మారింది. సరిగ్గా 8 నిమిషాల 46 సెకన్లపాటు మౌనం పాటిస్తూ, నిశ్చలంగా నేలపై పడుకుంటూ తమ నిరసనలు తెలియజేస్తున్నారు. అసలు.. ఫ్లాయిడ్​ మృతికి, నిరసనలకు.. ఆ సంఖ్యతో ఎందుకు ముడిపెడుతున్నారు?

ఓ పోలీస్​ కర్కశత్వానికి.. ఆఫ్రో-అమెరికన్ జార్జ్​ ఫ్లాయిడ్ బలై పది రోజులు దాటిపోయింది. ఇప్పటికీ ఆ నల్లజాతీయుని మృతికి నిరసనగా ఆందోళనలు ఉద్ధృతంగా సాగుతున్నాయి. కొన్ని చోట్ల శాంతియుతంగా, మరికొన్ని చోట్ల హింసాత్మకంగా మారాయి నిరసనలు. ఈ క్రమంలోనే దేశవ్యాప్తంగా ఎక్కడ చూసినా 8:46 సంఖ్యతో ముడిపెడుతూ నినాదాలు, శాంతియుత నిరసన ప్రదర్శనలు చేస్తున్నారు. అసలు 8:46కు, ఫ్లాయిడ్​ మృతికి సంబంధమేంటి?

జాత్యహంకారానికి వ్యతిరేకంగా నినాదాలు

• 8:46- జార్జి ఫ్లాయిడ్​ మెడపై పోలీసు మోకాలుతో అదిమిపట్టి ఊపిరాడకుండా చేసిన సమయం.
• ఫ్లాయిడ్​ వయసూ 46 సంవత్సరాలు.

ఈ విషయాలను విచారణ సందర్భంగా న్యాయవాదులు తెలిపారు. ఆ కచ్చితమైన సంఖ్యపై వారు స్పష్టంగా చెప్పనప్పటికీ ఇదే ఇప్పుడు అమెరికా ఉద్యమ నినాదంగా మారింది. జనాల్లో బాగా ప్రాచుర్యం పొందింది.

ఫ్లాయిడ్​ మృతికి సంఘీభావంగా...

బోస్టన్​, టకోమా, వాషింగ్టన్​లో ఎంతో మంది నల్లజాతీయులు ఫ్లాయిడ్​ తరహాలో.. చేతులు వెనక్కిపెట్టి మరణించినట్లు పడుకున్నారు. 8 నిమిషాల 46 సెకన్లపాటు మొరపెట్టుకుంటూ ఫ్లాయిడ్​ నరకయాతన పడిన క్షణాలను స్మరించుకుంటున్నారు.

జార్జ్​ చివరిక్షణాలను గుర్తుచేసుకుంటున్న అమెరికన్లు

వయాకామ్​సీబీఎస్​, గూగుల్​ ఇతర కంపెనీలు.. ఫ్లాయిడ్​ మృతికి సంఘీభావంగా ఆ సంఖ్యను ప్రస్తావించాయి.

వాషింగ్టన్​లో డెమొక్రటిక్​ సెనెటర్లు కొందరు నిల్చొని, మరికొందరు మోకరిల్లి 8 నిమిషాల 46 సెకన్ల పాటు మౌనం పాటించారు.

మోకాలిపై కూర్చొని ఓ సెనేటర్​ మౌనం

మౌనం పాటిస్తున్న సెనేటర్లు

వాస్తవంలోకి...

మినియాపొలిస్​లో ఫ్లాయిడ్​ స్మారకార్థం.. నిరసనకారులు 8 నిమిషాల 46 సెకన్ల పాటు ''జార్జ్​ ఏం చేస్తున్నాడో చూడండి. అక్కడ పడిపోయి తన ప్రాణాల కోసం వేడుకుంటున్నాడు'' అంటూ ఆయన అనుభవాలను ప్రపంచానికి చూపెట్టే ప్రయత్నం చేశారు.

చేతులు వెనక్కిపెట్టి నిరసనకారుల ప్రదర్శన

నిరసనలకు నేతృత్వం వహించిన వయలెన్స్​ ఇన్​ బోస్టన్​ వ్యవస్థాపకురాలు ఆ క్షణాల్ని తలచుకొని ఆవేదన వ్యక్తం చేశారు.

''మెడపై కాలును నొక్కిపెట్టి ఉంచినా అంత సమయం అర్జించడం చాలా కష్టం. ఈ నిశ్శబ్ద సమయంలో నేను నా కుటుంబ భద్రత గురించే ఆలోచించాను. ముఖ్యంగా నేను నలుగురు నల్ల వ్యక్తులకు తల్లిని. నా భర్త కూడా నల్లజాతీయుడే.''

- కెనాన్​ గ్రాంట్​, వయలెన్స్​ ఇన్​ బోస్టన్​ ఫౌండర్​

ఫ్లాయిడ్​ హత్యలో నిందితుడు డెరెక్​ చావిన్​పై ఫిర్యాదులో భాగంగా.. ఆఫ్రో-అమెరికన్​ను ఎంతసేపు నేలపై పడేసి నొక్కిపట్టారో తమకు తెలుసని వెల్లడించారు న్యాయవాదులు.

ఓ స్మారకసభలో మౌనం పాటిస్తున్న అమెరికన్లు

ఇదీ చూడండి: పోలీస్​ టెక్నిక్​లే ప్రమాదం.. అవే మరణాలకు కారణం!

ఫ్లాయిడ్​ మరణానికి నివాళిగా సంఘీభావం

''ఫ్లాయిడ్​ మెడపై.. పోలీసు అధికారి 8 నిమిషాల 46 సెకన్ల పాటు తన మోకాలును నొక్కిపట్టి ఉంచాడు. ఫ్లాయిడ్​లో చలనం కోల్పోయిన తర్వాత 2 నిమిషాల 53 సెకన్ల పాటు అలాగే ఉంచాడు.''

- న్యాయవాదులు

అయితే ఫిర్యాదులో ప్రస్తావించిన టైంస్టాంప్స్​ మాత్రం ఆ సమయాన్ని వేరేలా చూపిస్తుంది. మొత్తం 7 నిమిషాల 46 సెకన్ల పాటు చావిన్​ మోకాలి కింద ఫ్లాయిడ్​ ఉన్నాడని, శ్వాస తీసుకోవడం ఆగిన తర్వాత నిమిషం 53 సెకన్ల పాటే కాలు ఉందని తెలిసింది.

నేలపై మరణించినట్లు పడుకొని జార్జ్​కు నివాళి