బ్యాంక్ దోపిడీకు ప్రయత్నిస్తున్నారన్న అనుమానంతో ఓ ముఠాకు చెందిన పలువురిని పోలీసులు మట్టుపెట్టారు. ఈ ఘటన బ్రెజిల్లోని (Bank Raid in Brazil) మినాస్ గెరైస్లో ఆదివారం జరిగింది. ఈ ఆపరేషన్లో కనీసం పాతిక మంది మృతిచెంది ఉంటారని అధికారులు వెల్లడించారు.
అదే కారణం..
స్థానికులు ఈనెల 2న జరుపుకునే 'ఆల్ సోల్స్ డే' సందర్భంగా రాష్ట్రంలోని (Bank Raid in Brazil) వివిధ బ్యాంకులపై దాడి చేసి దోచుకోవాలని ఓ దొంగల ముఠా పథకం వేసినట్టు తమకు సమాచారం అందిందని పోలీసులు వెల్లడించారు. ఈ క్రమంలో అనుమానితులుగా భావించిన 25 మందిని మట్టుపెట్టామని తెలిపారు. ఘటనాస్థలం నుంచి బుల్లెట్ప్రూఫ్ జాకెట్ సహా పలు ఆయుధాలను స్వాధీనం చేసుకున్నట్లు వెల్లడించారు.
ఇటీవల కాలంలో ఈ తరహా ఘటనలు పెరిగిపోయాయని పోలీసులు పేర్కొన్నారు. ఆగస్టులో సావో పాలో రాష్ట్రంలో.. ఓ ముఠా బ్యాంకు దొంగతనానికి పాల్పడిందని.. తుపాకులు, పేలుడు పదార్థాలతో కలకలం సృష్టించి అక్కడి నుంచి పరారైందని తెలిపారు.
ఇదీ చూడండి : COP26 glasgow: సౌరశక్తి బదిలీ కోసం భారత్- యూకే ఒప్పందం!
