అమెరికాలో పేలుడు- 21 మందికి గాయాలు

అమెరికాలో పేలుడు సంభవించి 21 మంది గాయపడ్డారు. ఫ్లోరిడాలోని ఓ రెస్టారెంట్​లో జరిగిన ఈ ఘటనలో రెస్టారెంట్​ భవనం పూర్తిగా నేలమట్టమైంది. వెంటనే స్పందించిన అగ్నిమాపక సిబ్బంది సహాయక చర్యలు చేపట్టింది.

అమెరికాలోని ఫ్లోరిడాలో పేలుడు సంభవించింది. 21 మందికి తీవ్ర గాయాలయ్యాయి. వీరిలో ఇద్దరి పరిస్థితి విషమంగా ఉంది. ఓ షాపింగ్​ మాల్​లోని రెస్టారెంట్​లో ఈ ఘటన చోటుచేసుకుంది. పేలుడు సమయంలో రెస్టారెంట్​ ఖాళీగా ఉండటం వల్ల భారీ ప్రాణనష్టం తప్పిందని అధికారులు వెల్లడించారు.

ఘటనాస్థలానికి చేరుకున్న అగ్నిమాపక సిబ్బంది సహాయక చర్యలు చేపట్టింది. ప్రమాదానికి గల కారణాలపై స్పష్టత లేదు. గ్యాస్​ పైపు పేలడం వల్లే ఈ ఘటన జరిగిందని అధికారులు భావిస్తున్నారు.

పేలుడు ధాటికి రెస్టారెంట్​ పూర్తిగా నేలమట్టమైంది. ఆ శిథిలాలు రద్దీగా ఉన్న రోడ్డుపై పడటం వల్ల పరిసర ప్రాంతాల్లోని పలు కార్యాలయాలతో పాటు​ వాహనాలు దెబ్బతిన్నాయి.

ఇదీ చూడండి:- 'సంక్షోభానికి కాంగ్రెస్​-జేడీఎస్ అంతర్గత కలహాలే కారణం'