అమెరికాలో మరోమారు కాల్పులు కలకలం సృష్టించాయి. టెక్సాస్లోని హ్యూస్టన్ నగరంలో ఉన్న ఓ రెంస్టారెంట్లో ఇద్దరిపై కాల్పులు జరిపి.. తనను తాను కాల్చుకుని ఆత్మహత్య చేసుకున్నాడు ఓ వ్యక్తి. ఈ ఘటనలో తూటాలు తగిలిన ఇద్దరిలో ఒకరు ప్రాణాలు కోల్పోయారు.
ఇదీ జరిగింది
నగరంలోని అక్వేరియం రెస్టారెంట్లో గురువారం రాత్రి 8 గంటలకు(అమెరికా కాలమానం ప్రకారం) "ఓ పురుషుడు సహా మహిళ.. డిన్నర్ పూర్తి చేసి వెళ్తున్నారు. మరోవైపు కాచుకుర్చున్న దుండగుడు వారిపై కాల్పులు జరిపాడు. అనంతరం తనను తాను కాల్చుకున్నాడు. ఈ ఘటనలో మహిళ గాయాలతో బయటపడింది. కానీ దుండగుడు సహా మరో వ్యక్తి చనిపోయారు. దీనికి సంబంధించిన దృశ్యాలు.. రెస్టారెంట్లోని సీసీకెమెరాల్లో రికార్డు అయ్యాయి" ఆ రెస్టారెంట్ నిర్వాహకుడు మట్టా స్లింకార్డ్ తెలిపారు.
గాయపడిన మహిళను ఆస్పత్రికి తరలించారు. ఆమె ఆరోగ్యానే ఉన్నట్లు అధికారులు తెలిపారు. అయితే ఈ ఘటనకు కారణమేంటో.. వారి మధ్య ఎలాంటి సంబంధముందో.. తెలియలేదని చెప్పారు.
ఇదీ చూడండి: శిలువకు నిప్పు పెట్టి.. పారిపోయేందుకు స్పైడర్మ్యాన్లా ఫీట్లు!
