మహాత్మా గాంధీ మునిమనవడు సతీశ్ ధుపేలియా (66) కరోనాతో కన్నుమూశారు. దక్షిణాఫ్రికాలోని జొహాన్నెస్బర్గ్లో నివసించే సతీశ్ కొంతకాలంగా న్యూమోనియాతో బాధపడుతున్నారు. నెల రోజులుగా ఆస్పత్రిలో చికిత్స పొందుతున్నారు. ఆ సమయంలోనే కరోనా బారిన పడ్డారు.
మూడు రోజుల క్రితమే జన్మదినం జరపుకొన్న సతీశ్ ఆదివారం రాత్రి హఠాత్తుగా గుండేపోటు రావడం వల్ల తుది శ్వాస విడిచినట్లు.. ఆయన సోదరి ఉమా ధుపేలియా మెస్త్రీ తెలిపారు.
సతీశ్ దక్షిణాఫ్రికాలో గాంధీ డెవలప్మెంట్ ట్రస్ట్ కార్యకలాపాలు నిర్వహించేవారు సామాజిక కార్యకలాపాల్లోనూ చురుగ్గా పాల్గొనేవారు. సతీశ్ ధుపేలియా తన జీవితంలో ఎక్కువ భాగం మీడియా రంగంలోనే గడిపారు. వీడియో, ఫోటో గ్రాఫర్గా పని చేశారు.
ఇదీ చూడండి:మోడెర్నా, ఫైజర్‌ కంటే తక్కువ ధరలోనే..!
