భారత్ నుంచి కొనుగోలు చేసిన 10 లక్షల ఆస్ట్రాజెనెకా వ్యాక్సిన్ డోసులను పొరుగు దేశాలకు విక్రయించింది దక్షిణాఫ్రికా. ఈమేరకు ఆదివారం వెల్లడించారు ఆ దేశ ఆరోగ్య శాఖ మంత్రి జ్వేలి మఖాయిజ్.
"ఆఫ్రికా సమాఖ్యలో టీకా కొనుగోలుకు సిద్ధమైన 14 దేశాలకు వ్యాక్సిన్లను విక్రయించడం పూర్తయింది. వ్యాక్సిన్ పంపిణీకి కావాల్సిన అన్ని అనుమతులు ఆ దేశాలు పొందాయి. ఇందుకు సంబంధించిన డబ్బు గత సోమవారమే మాకు అందింది. ప్రస్తుతం 9 దేశాలకు పంపిణీ ప్రారంభించాము. త్వరలోనే మిగతా 5 దేశాలకు వ్యాక్సిన్లు అందిస్తాము."
-జ్వేలి మఖాయిజ్, దక్షిణాఫ్రికా ఆరోగ్యశాఖ మంత్రి
దక్షిణాఫ్రికా వేరియంట్పై ఆస్ట్రాజెనెకా వ్యాక్సిన్ ప్రభావం చూపదన్న కారణంతో ఆ దేశ ప్రభుత్వం టీకా పంపిణీని నిలిపివేసింది. ఈ వినియోగించని డోసులను ఇతర దేశాలకు విక్రయించింది. ఆ స్థానంలో ప్రత్యామ్నాయంగా ఇతర వ్యాక్సిన్లను పంపిణీ చేస్తోంది.
ఇదీ చదవండి : భారత్ నుంచి లండన్ పరారైన నేరగాళ్లపై పుస్తకం
