బోటు ప్రమాదంలో 100 మంది మృతి!

కాంగోలో జరిగిన పడవ ప్రమాదంలో(Congo Boat Accident) 100 మందికిపైగా మృతి చెందడమో, గల్లంతవడమో జరిగిందని అక్కడి అధికారులు తెలిపారు. ఇప్పటివరకు 61 మృతదేహాలను గుర్తించినట్లు చెప్పారు.

కాంగోలో ఘోర పడవ ప్రమాదం(Congo Boat Accident) జరిగింది. ఈ ఘటనలో 100 మందికి పైగా మృతి మృతి చెందడమో, గల్లంతవడమో జరిగిందని అధికారులు శనివారం తెలిపారు. గత సోమవారం రాత్రి మొంగాలాలోని బుంబా పట్టణానికి సమీపంలో కాంగో నదిలో ఈ దుర్ఘటన(Congo Boat Accident) జరిగిందని చెప్పారు.

ఒకదానికి మరొకటి కలిపి ఉన్న 9 పడవలు సామర్థ్యానికి మించి ప్రయాణికులతో వెళ్తున్నాయని అధికారులు తెలిపారు. ఈ సందర్భంగా ప్రమాదవశాత్తూ పడవలు బోల్తా పడ్డాయని చెప్పారు. ఈ ఘటనలో ఇప్పటిదాకా 61 మృతదేహాలు లభ్యమయ్యాయని మొంగాలా రాష్ట్ర రవాణా మంత్రి జోస్ మిసిసో వెల్లడించారు. చిన్నారులు, మహిళలు సహా 100 మందికి పైగా గల్లంతైనట్లు చెప్పారు. 30 మందిని రక్షించినట్లు పేర్కొన్నారు.