హాలీవుడ్ నటుడు, కండల వీరుడు ఆర్నాల్డ్ ష్వార్జ్నెగ్గర్పై గుర్తుతెలియని దుండగుడు దాడి చేశాడు. దక్షిణాఫ్రికా రాజధాని జోహన్నెస్బర్గ్లో ఏర్పాటు చేసిన ఓ కార్యక్రమంలో వెనుక నుంచి వచ్చి కాలితో తన్నాడు. శనివారం జరిగిన ఈ దాడిలో ఆర్నాల్డ్ ప్రమాదం నుంచి బయటపడ్డారు. తూలి పడబోయి... వెంటనే నిలదొక్కుకున్నారు. గమనించిన భద్రతా సిబ్బంది నిందితుడిని అదుపులోకి తీసుకున్నారు.
దాడిపై స్పందిస్తూ 'అతడు నా స్నాప్ చాట్ను ఆపలేకపోయినందుకు సంతోషం' అని హాస్యోక్తి విసిరారు ఆర్నాల్డ్. తనకేమీ ప్రమాదం జరగలేదని ట్విట్టర్లో పేర్కొన్నారు. నిందితుడిపై ఫిర్యాదు చేసే ఆలోచన లేదని చెప్పారు.
'ఆర్నాల్డ్ క్లాసిక్ ఆఫ్రికా ఈవెంట్' లో ఈ సంఘటన జరిగింది. శరీర ధారుఢ్య అంశాలపై ఈ కార్యక్రమంలో అవగాహన కల్పిస్తారు.
హాలీవుడ్ నటుడు ఆర్నాల్డ్పై దుండగుడి దాడి
ఇదీ చూడండి: 'విమానాలు కనపడకుండా పోతాయి జాగ్రత్త..!'
