సోమాలియాలో ఉగ్రవాదులు దారుణానికి ఒడిగట్టారు. రాజధాని మొగధిషులో బీచ్ పక్కన ఉన్న ప్రముఖ ఎలైట్ హోటల్పై దాడికి తెగబెడ్డారు. సెక్యూరిటీ గేట్లను బాంబులతో ధ్వంసం చేసి లోనికి చొరబడ్డారు. ప్రశాంతంగా బస చేస్తున్న అమాయకులపై తూటాల వర్షం కురిపించారు. ఈ ఘటనలో 10 మంది ప్రాణాలు కోల్పోయినట్లు సోమాలియా పోలీసులు తెలిపారు. కనీసం 20మందికి పైగా గాయపడినట్లు పేర్కొన్నారు. మృతి చెందిన వారిలో యువకులు, మహిళలు ఉన్నట్లు పేర్కొన్నారు.
గత కొద్ది నెలలుగా ప్రశాంతంగా ఉన్న సోమాలియాలో ఈ ఘటనతో మళ్లీ అశాంతి నెలకొంది. హోటల్పై దాడికి తామే పాల్పడినట్లు ఇస్లామిక్ అతివాద రెబల్స్, అల్ఖైదా అనుబంధ అల్-శబాబ్ ప్రకటించింది.
