ఎమ్మెల్సీ కవిత జీహెచ్ఎంసీ ఎన్నికల ప్రచారంలో భాగంగా హైదరాబాద్లోని గాంధీనగర్, అడికిమెట్లో పర్యటించారు. మత రాజకీయాలు కాకుండా భాజపా చేసిన అభివృద్ధిపై మాట్లాడాలని కమలం పార్టీ నేతలకు సవాల్ విసిరారు. గత ఆరేళ్లుగా తెరాస ప్రభుత్వం హైదరాబాద్లో అనేక అభివృద్ధి పనులు చేపట్టిందన్నారు. కరోనా వచ్చినా.. వరదలు వచ్చినా.. కేంద్రంలోని భాజపా ప్రభుత్వం ఎలాంటి సహాయం చేయలేదన్నారు.
గాంధీనగర్ డివిజన్ను ఎంతో అభివృద్ధి చేశామన్న కవిత.. తెరాస అభ్యర్థి ముఠా పద్మ గోపాల్ను గెలిపించాలన్నారు. అనంతరం పద్మశాలీల ఆత్మీయ సమ్మేళనంలో పాల్గొన్నారు. ఉద్యమ కాలంలో సీఎం కేసీఆర్, చేనేత సంక్షేమం కోసం భిక్షాటన చేసి 60 లక్షలు రుపాయలు అందించిన విషయాన్ని గుర్తు చేశారు. అనారోగ్యంతో బాధపడుతున్న ప్రముఖ ఛాయాచిత్ర గ్రాహకుడు భరత్ భూషణ్ను కవిత కలిసి పరామర్శించారు. ప్రచారంలో ఎమ్మెల్సీ కవితతోపాటు మంత్రి శ్రీనివాస్ గౌడ్ పాల్గొన్నారు.
ఇదీ చదవండి: అభివృద్ధి వైపు ఉంటారా?.. అరాచకం వైపు ఉంటారా?: కేటీఆర్
