దర్శకుడు లోకేశ్ కనగరాజ్ తెరకెక్కించబోతున్న 'దళపతి 67' టైటిల్ టీజర్ వీడియో విడుదలై ఫ్యాన్స్కు గూస్బంప్స్ తెప్పించింది. 'లియో: బ్లడీ స్వీట్' పేరుతో తెరకెక్కిన ఈ టీజర్తో.. ఈ సినిమా లోకేశ్ సినిమాటిక్ యూనివర్స్లో భాగమని అర్థమవుతోంది. ఈ చిత్రానికి..కమల్ 'విక్రమ్'కు కనెక్షన్ ఉన్నట్లు తెలుస్తోంది. గ్లింప్స్ను డికోడ్ చేస్తే నాలుగు విషయాలు అర్థమవుతున్నాయి. కానీ డికోడ్ చేసే విషయం ముందు ఓ విషయాన్ని మాట్లాడుకోవాలి అదేంటంటే. లోకేష్ తన సినిమాలో పాత్రలను సృష్టించేటప్పుడు ఆ పాత్రకు తగ్గటు ఓ పేరు పెట్టుకుంటారు. దాన్ని జంతువులతో పోలుస్తారు. 'విక్రమ్'లో కమల్ అండ్ ఆయన స్పై టీమ్ను ఈగెల్(గద్ద)తో పోల్చారు. అలానే ఈ చిత్రంలో సూర్య రోలెక్స్ను స్కార్పియో(తేలు)గా చూపించారు. అలాగే తాజాగా వచ్చిన టీజర్లో విజయ్ను లియో(సింహం)గా అభివర్ణించారు. ఇక విజయ్ సేతుపతిని పాత్రను ఓ పాముతో కంపేర్ చేశారు.
ఇక విషయానికొస్తే.. లియో టీజర్ ప్రారంభంలో చూపించిన ఓ ఇల్లు, విక్రమ్ టీజర్ ప్రారంభంలో చూపించిన ఇల్లు ఓకేలా ఉంది. అంటే విజయ్, కమల్కు ఆ ఇంటితో కనెక్షన్ ఉందని తెలుస్తోంది. ఆ ఇంట్లో వారిద్దరపై సన్నివేశాలు ఉండొచ్చు.
తాజా టీజర్లో మార్నింగ్ సీన్లో ఓ గ్యాంగ్ ముసుగులు వేసుకుని వెహికల్స్లో వెళ్తుంటుంది. అదే సమయంలో ఓ గద్దను కూడా చూపించారు. అంటే అది విక్రమ్ సినిమాలో ముగుసు వేసుకునే కమల్ గ్యాంగ్ అని అర్థమవుతోంది. వారు ఎవరికోసమో వెతుకుతూ వెళ్తున్నట్లు తెలుస్తోంది. ఒకవేళ అది విజయనే కూడా కావొచ్చు. మరి వీరిద్దరి మధ్యలో యాక్షన్ సీన్స్ ఉంటాయో లేదో చూడాలి.
ఈ గ్లింప్స్లో నైట్ టైమ్లో మరో గ్యాంగ్ కారులో వెళ్తున్నట్లు చూపించారు. ఆ కార్స్ను చూస్తుంటే.. విక్రమ్ సినిమా క్లైమాక్స్లోని రోలెక్స్ గ్యాంగ్ కార్స్లానే ఉన్నాయి. అంటే వీరు కూడా విజయ్ కోసం వెతుకుతూ వెళ్తున్నట్లు తెలుస్తోంది.
ఇకపోతే గతంలో ఖైదీ చిత్రంలోనూ హీరో కార్తి.. తాను ఓ బేకరిలో మూడేళ్ల పాటు పనిచేసినట్లు ఓ సన్నివేశంలో చెప్తాడు. ఇప్పుడు అలాంటి చాక్లెట్ బెకరీలోనే విజయ్ కనిపిస్తున్నారు. అంటే ఈ హీరోలిద్దరు మధ్య సన్నివేశాలు ఉండే అవకాశం ఉంది.
ఇంకా ఆ టీజర్లో బేకరిలో విజయ్ చేసేది Erythoxylum డ్రగ్ బిజినెస్ అని అర్థమవుతోంది. అయితే విక్రమ్ సినిమాలో కమల్ తన ఇన్వెస్టిగేషన్లో భాగంగా ఓ సందర్భంలో ఈ డ్రగ్ను కనిపెడతారు. మరో విషయమేమిటంటే ఈ ప్రోమోలో పామును చూపించారు. అయితే దాని తల తెగి పోతుంది. అంటే విజయ్సేతుపతి పాత్ర చచ్చిపోయిందని, ఈ సినిమాలో ఉండకపోవచ్చని అర్థం.
అలా లోకేష్ యానివర్స్లో భాగంగా ఖైదీ, విక్రమ్.. దళపతి 67కు సంబంధం ఉన్నట్లు తెలుస్తోంది. అంటే ఈ సారి ఒకే తెరపై కమల్, విజయ్, సూర్య, కార్తి కనిపించే అవకాశాలు ఉన్నాయి. మరి వీరిందరినీ కలిపి లోకేశ్ కథను ఎలా సిద్ధం చేస్తున్నారో చూడాలి.
మొత్తంగా.. ఈ ప్రోమో అభిమానులకు మంచి కిక్ ఇచ్చింది. ఇందులో హీరో విజయ్ చాక్లెట్ ఫ్యాక్టరీలో చాక్లెట్, ఖార్కానాలో ఇనుమును కరిగించి కత్తి ఏక కాలంలో తయారు చేస్తూ కనిపించారు. మరోవైపు ఓ గ్యాంగ్ ఆయన కోసం కారులో దూసుకొస్తూ కనిపించింది. అలా తన చాక్లెట్ ఫ్యాక్టరీ వద్దకు వచ్చిన శత్రులతో పోరాడేందుకు విజయ్ చాక్లెట్ పూసి ఉన్న కత్తిని పట్టుకొని సిద్ధంగా కనిపిస్తారు. అలా సినిమా థీమ్, హీరో క్యారెక్టరైజేషన్ తెలియజేస్తూ రూపొందించిన ఈ వీడియో చూస్తే మైండ్ బ్లాక్ అయ్యేలా ఉంది.
ఇదీ చూడండి: హరిహర వీరమల్లు.. పవన్ కొత్త స్టిల్స్ చూశారా?
