Vijay Devarakonda Family Star Movie : రౌడీ హీరో విజయ్ దేవరకొండ ప్రస్తుతం చేతినిండా సినిమాలతో బిజీగా ఉన్నారు. తాజాగా 'ఖుషి' సినిమాతో ప్రేక్షకులను పలకరించిన ఆయన ఇప్పుడు 'ఫ్యామిలీ స్టార్'గా రానున్నారు. పరశురామ్ దర్శకత్వంలో తెరకెక్కుతున్న సినిమా వచ్చే ఏడాది సంక్రాంతికి థియేటర్లలో సందడి చేయనుంది. ఈ క్రమంలో తాజాగా మూవీ టీమ్.. ఈ సినిమాకు సంబంధించిన గ్లింప్స్తో పాటు ఓ స్పెషల్ పోస్టర్ను రివీల్ చేశారు. అందులో ఈ సినిమాకు 'ఫ్యామిలీ స్టార్' అనే పేరును నామకరణం చేశారు.
విజయ్ - పరశురామ్ కాంబోలో వస్తున్న ఈ సినిమా ఇటీవలే పూజా కార్యక్రమంతో గ్రాండ్గా స్టార్ట్ అయ్యింది. ముఖ్యంగా ఈ ఇద్దరి కాంబోలో ఇదివరకు వచ్చిన 'గీతా గోవిందం' సూపర్ హిట్ అవ్వడం వల్ల.. ఫ్యాన్స్ ఈ సినిమాపై ఎక్స్పెక్టేషనన్స్ పెంచుకుంటున్నారు. 2018లో వచ్చిన ఈ సినిమా అటు యూత్తో పాటు ఇటు ఫ్యామిలీ ఆడియోన్స్ను ఎంటర్టైన్ చేసి బాక్సాఫీస్ వద్ద మంచి హిట్ అందుకుంది. అంతే కాకుండా అర్జున్ రెడ్డి తర్వాత విజయ్ కెరీర్ను మలుపు తిప్పిన సినిమాల్లో 'గీత గోవిందం' కూడా ఒకటి. ఆ సినిమా తర్వాత మళ్లీ వీరిద్దరూ 'ఫ్యామిలీ మ్యాన్ కోసం' జత కట్టారు.
ఇక సినిమా విషయానికొస్తే.. సీతారామమ్ బ్యూటీ మృణాల్ ఠాకూర్, నటి దివ్యాన్షా కౌశిక్ ఈ సినిమాలో హీరోయిన్లుగా నటిస్తున్నారు. ప్రముఖ నిర్మాత దిల్రాజు శ్రీవెంకటేశ్వర క్రియేషన్స్ బ్యానర్పై రూపొందిస్తున్నారు. ఇక గోపీ సుందర్ ఈ సినిమాకు సంగీతమ అందిస్తున్నారు. మార్తాండ్ కె వెంకటేష్ ఎడిటింగ్ బాధ్యతలు నిర్వర్తించగా.. కేయూ మోహన్ సినిమాటోగ్రఫీ, ఏఎస్ ప్రకాష్ ఆర్ట్ డైరెక్టర్గా వ్యవహరిస్తున్నారు. ఇక తెలుగు, తమిళ భాషల్లో తెరకెక్కుతున్న ఈ సినిమా.. 2024 సంక్రాంతి కానుకగా ప్రేక్షకుల ముందుకు రానుంది.
- " class="align-text-top noRightClick twitterSection" data="">
విజయ్ VD 12 : ఇక మరోవైపు హీరో విజయ్.. 'జెర్సీ' డైరెక్టర్ గౌతమ్ తిన్ననూరితో ఓ సినిమా చేస్తున్నారు. ఈ చిత్రం VD 12 అనే వర్కింగ్ టైటిల్తో తెరకెక్కుతోంది. అయితే ఎప్పటిలాగే ఎమోషనల్ డ్రామాతో కూడిన కథతో కాకుండా.. గౌతమ్ ఈ సినిమాను గ్యాంగ్స్టర్ నేపథ్యంలో తీయనున్నారని సమాచారం. ఇక ఈ సినిమాలో యంగ్ బ్యూటీ శ్రీలీల హీరోయిన్గా నటిస్తోంది. ప్రముఖ నిర్మాత నాగ వంశీ ఈ సినిమాను సితార ఎంటర్టైన్మెంట్స్ బ్యానర్పై రూపొందిస్తున్నారు.
విజయ్ దేవరకొండ సరసన శ్రీలీల.. గ్రాండ్గా స్టార్ట్ అయిన VD 12
