Varun Tej Operation Valentine Teaser : డిఫరెంట్ స్టోరీలతో సినీ ప్రియులను మెప్పించే ప్రయత్నాలు చేస్తుంటారు మెగా ప్రిన్స్ వరుణ్ తేజ్. ఈసారి ఎయిర్ఫోర్స్ ఆఫీసర్గా మరో ప్రయోగంతో ప్రేక్షకుల ముందుకు రానున్నారు. వరుణ్తేజ్ ప్రధాన పాత్రలో దర్శకుడు శక్తి ప్రతాప్ సింగ్ తెరకెక్కిస్తున్న చిత్రం 'ఆపరేషన్ వాలెంటైన్'. మిస్ యూనివర్స్ మానుషీ చిల్లర్ ఈ సినిమాలో హీరోయిన్గా నటిస్తున్నారు. ఇప్పటికే చిత్రబృందం విడుదల చేసిన ఫస్ట్ లుక్కు నుంచి మంచి రెస్పాన్స్ వచ్చింది. తాజాగా చిత్ర బృందం ఫస్ట్ స్ట్రైక్ పేరుతో టీజర్ను విడుదల చేసింది. మీరూ ఆ టీజర్ చూసేయండి.
- " class="align-text-top noRightClick twitterSection" data="">
'మన ఎయిర్ ఫోర్స్ని ఇంకొక దేశంలోకి పంపించడమంటే అది యుద్ధాన్ని ప్రకటించటమే. ఆ తర్వాత ఇలా ప్రతికారం తీర్చుకుంటూ పోతే దేశాలు ఉండవు. బోర్డర్స్ మాత్రమే ఉంటాయి' అంటూ ఎయిర్ఫోర్స్ ఆఫీసర్ చెప్పే డైలాగ్తో టీజర్ మొదలవుతుంది. ఆ తర్వాత 'మన దేశం గాంధీజీతో పాటు సుభాష్ చంద్రబోస్ది కూడా అని వరుణ్ తేజ్ చెప్పే డైలాగ్ టీజర్కే హైలైట్గా నిలిచింది. పాకిస్థాన్లో ఉన్న టెర్రరిస్ట్లను అంతమొదించడానికి ఇండియన్ ఎయిర్ఫోర్స్ చేసే మిషనే ఆపరేషన్ వాలెంటైన్ అని అర్థమవుతుంది. ఆ మిషన్ బాధ్యతలను అర్జున్ దేవ్ (వరుణ్ తేజ్)కు అప్పగిస్తుంది ప్రభుత్వం. హీరోయిన్ మానుషీ కూడా ఎయిర్ఫోర్స్లోనే రాడార్ ఆఫీసర్గా చేస్తుంటారు. ఈ టీజర్లో ఉగ్రవాదులపై వైమానిక దాడులు విజువల్స్ అదిరిపోయాయి. బ్యాక్గ్రౌండ్ మ్యూజిక్ కూడా హైలైట్గా నిలిచింది.
ఈ సినిమాతోనే శక్తి ప్రతాప్ సింగ్ దర్శకుడిగా పరిచయం కానున్నారు. బాలీవుడ్ స్టార్ నటుడు మీర్ సర్వర్ ప్రధాన పాత్రలో నటిస్తున్నారు. సోనీ పిక్చర్స్ ఇంటర్నేషనల్ ప్రొడక్షన్స్, రినైసన్స్ పిక్చర్స్ సంస్థలు సంయుక్తంగా భారీ బడ్జెట్తో ఈ సినిమాను నిర్మిస్తున్నాయి. క్లాసిక్ మ్యూజిక్ సెన్సేషన్ మిక్కీ జే మేయర్ సంగీతం అందిస్తున్నారు. ఇక ఈ సినిమా తెలుగు, హిందీ భాషల్లో 2024 ఫిబ్రవరి 16న గ్రాండ్గా విడుదల కానుంది. ఈ సినిమాతోనే వరుణ్ తేజ్ బాలీవుడ్లోకి ఎంట్రీ ఇవ్వనున్నారు.
ఓటీటీలో వరుణ్-లావణ్య పెళ్లి వీడియో - టీమ్ క్లారిటీ!
Gandeevadhari Arjuna Movie Review : యాక్షన్ మోడ్లో వరుణ్ తేజ్.. 'గాండీవధారి అర్జున' ఎలా ఉందంటే ?
