టాలీవుడ్ ప్రముఖ నిర్మాత దిల్రాజు మరోసారి తండ్రయ్యారు. ఆయన సతీమణి తేజస్విని బుధవారం ఉదయం పండంటి మగబిడ్డకు జన్మనిచ్చారు. తల్లీబిడ్డా ఇద్దరూ క్షేమంగా ఉన్నారు. దీంతో వారికి శుభాకాంక్షలు తెలుపుతూ పలువురు సినీ ప్రముఖులు సోషల్‌మీడియా వేదికగా పోస్టులు పెడుతున్నారు. దిల్రాజు మొదటి భార్య అనిత అనారోగ్య సమస్యలతో 2017లో కన్నుమూశారు. వీరికి హన్సితా రెడ్డి అనే కుమార్తె ఉంది. మొదటి భార్య మరణానంతరం ఆయన వరంగల్కు చెందిన తేజస్వినిని రెండో వివాహం చేసుకున్నారు. కుటుంబసభ్యుల సమక్షంలో 2020లో వీరి వివాహం జరిగింది.
ఇక, సినిమాల విషయానికి వస్తే దిల్‌రాజుకు చెందిన శ్రీ వేంకటేశ్వర క్రియేషన్స్‌ పతాకంపై రెండు భారీ ప్రాజెక్టులు సిద్ధమవుతున్నాయి. అందులో ఒకటి విజయ్‌-వంశీపైడిపల్లి కాంబోలో రానున్న 'వారసుడు'. మరొకటి రామ్చరణ్ హీరోగా శంకర్‌ తెరకెక్కిస్తోన్న చిత్రం.
ఇదీ చూడండి : రామ్చరణ్ ఇంటికి బాలీవుడ్ స్టార్స్ క్యూ.. ఏంటి కథ?
