రెబల్స్టార్ ప్రభాస్ నటిస్తున్న పాన్ ఇండియా మూవీ 'ఆదిపురుష్' నుంచి ఫస్ట్ సింగిల్ను రిలీజ్ చేసింది మూవీ టీమ్. ఈ క్రమంలో ఓ లిరికల్ వీడియోను అభిమానుల కోసం అప్లోడ్ చేసింది. 'నీ సాయం సదా మేమున్నాం' అంటూ సాగే ఈ పాట మనసును హత్తుకునేలా ఉంది. హనుమాన్ జయంతిని పురస్కరించుకుని ఈ నెల 6వ తేదీన దీనికి సంబంధించిన ఆడియో సాంగ్ను హనుమంతుని పోస్టర్ పెట్టి హిందీలో రిలీజ్ చేశారు.
అయితే ఇప్పుడు ఇదే పాటను లిరికల్ వీడియో రూపంలో మలిచి.. సినిమా రిలీజవుతున్న అన్ని భాషల్లోనూ విడుదల చేశారు. వీడియో ఆఖరిలో శ్రీ రాముని కొత్త పోస్టర్ను రివీల్ చేసింది మూవీ టీమ్. దీంతో ప్రభాస్ ఫ్యాన్స్ సంబరాలు చేసుకుంటున్నారు. రామజోగయ్య శాస్త్రి లిరిక్స్ అందించిన ఈ పాటకు బాలీవుడ్ స్టార్ మ్యూజిక్ కాంబో అజయ్.. అతుల్ సంగీతాన్ని సమకూర్చారు.
రామాయణ మహాకావ్యం ఆధారంగా తెరకెక్కుతున్న ఈ సినిమాలో శ్రీ రామునిగా పాత్రలో ప్రభాస్ నటించగా.. సీతమ్మ తల్లి పాత్రలో కృతి సనన్ నటిస్తున్నారు. లక్ష్మణుని పాత్రలో బాలీవుడ్ హీరో సన్నీ సింగ్ నటించారు. హనుమంతుని పాత్రలో దేవదత్త్ నాగే నటించారు. ఇక లంకేశుని పాత్రలో బాలీవుడ్ స్టార్ సైఫ్ అలీ ఖాన్ నటించారు. పాన్ ఇండియా లెవెల్లో తెరకెక్కుతున్న ఈ సినిమాకు ఓం రౌత్ దర్శకత్వం వహిస్తున్నారు. జూన్ 16న ఈ సినిమా ప్రేక్షకుల ముందుకు రానుంది.
- " class="align-text-top noRightClick twitterSection" data="">
కాగా రీసెంట్గా ఈ సినిమా ఓ అరుదైన గౌరవాన్ని దక్కించుకుంది. ప్రతిష్ఠాత్మక 'ట్రిబెకా ఫెస్టివల్'లో ప్రదర్శనకు ఎంపికైంది. ఈ సంతోషకర విషయాన్ని సోషల్ మీడియా వేదికగా దర్శకుడు ఓం రౌత్ తెలియజేశారు.
"ఇది గౌరవం, సంతోషానికంటే మించింది. 2023 జూన్ 13న 'ఆదిపురుష్' న్యూయార్క్లో జరిగే ట్రిబెకా ఫెస్టివల్లో ప్రదర్శించనున్నారు. ఈ సినిమాను ఎంపిక చేసిన ట్రిబెకా జ్యూరీ సభ్యులకు నా హృదయపూర్వక ధన్యవాదాలు. నా చిత్ర బృందానికి నేను కృతజ్ఞుణ్ని. ఆ వేడుక కోసం ఆసక్తిగా ఎదురుచూస్తున్నా" అని ఓం రౌత్ తెలిపారు. ఇక ఈ వేడుక జూన్ 7 నుంచి 18 వరకు న్యూయార్క్లో అట్టహాసంగా జరగనుంది.
జూన్లో రిలీజవ్వనున్న ఈ సినిమా రన్టైమ్ గురించి నెట్టింట్లో తెగ చర్చలు జరిగింది. అయితే ట్రిబెకా అఫీషయల్ వెబ్‌సైట్‌ ద్వారా 'ఆదిపురుష్' రన్టైమ్ విషయంపై పై ఓ క్లారిటీ వచ్చింది. ఈ ఫెస్టివల్లో రిలీజ్ చేస్తున్న సినిమా ప్రకారం దీని నిడివి 174 నిమిషాలు ఉంటుందని స్పష్టమయ్యింది. అంటే సుమారు 2 గంటల 54 నిమిషాలు. గతంలో ఈ సినిమా రన్‌టైమ్‌పై ఎన్నో రూమర్స్ సోషల్ మీడియాలో చక్కర్లు కొట్టాయి. మొదట్లో ఈ టైమ్ను 3 గంటల 16 నిమిషాలకు ఫిక్స్ చేశారన్న టాక్ కూడా నడిచింది.
