గత కొంతకాలంగా వస్తున్న తన పెళ్లి రూమర్స్కు చెక్ పెట్టారు యంగ్ హీరో శర్వానంద్. ఆయన ఎట్టకేలకు ఓ ఇంటి వాడు కాబోతున్నారు. ప్రస్తుతం ఆయన ఎంగేజ్మెంట్కు సంబంధించిన ఫొటోలు సోషల్మీడియాలో వైరల్గా మారాయి.
సినీ వర్గాల సమాచారం ప్రకారం ఆ అమ్మాయి ఎవరో కాదు.. ప్రముఖ రాజకీయ నాయకుడు దివంగత బొజ్జల గోపాలకృష్ణారెడ్డి మనమరాలు, హైకోర్టు లాయర్ మధుసూధన్ రెడ్డి కుమార్తె రక్షితా రెడ్డి. వీరిద్దరి ఎంగేజ్మెంట్కు శర్వానంద్ క్లోజ్ ఫ్రెండ్ రామ్చరణ్ తన సతీమణి ఉపాసనతో హాజరయ్యారు.
కాగా, ఇటీవలే ఎన్బీకేే అన్స్టాపబుల్కు అడవిశేష్తో వచ్చిన శర్వానంద్ను బాలయ్య 'శర్వా నీ పెళ్లెప్పుడు?' అని ప్రశ్నించగా.. 'ప్రభాస్ పెళ్లి తర్వాత' అని సరదాగా బదులిచ్చారు. సినిమాల విషయానికి వస్తే.. ఇటీవలే 'ఒకే ఒక జీవితం' అనే టైమ్ ట్రావెల్ మూవీలో నటించారు. ఈ చిత్రంలో శర్వానంద్ నటనకు మంచి ప్రశంసలు అందుకున్నారు.
