Thalapathy Vijay In Vintage Look : తమిళ సూపర్ స్టార్ దళపతి విజయ్ వరుస సినిమాలతో ప్రేక్షకులను అలరిస్తున్నారు. ఇటీవల 'లియో'తో సినీ అభిమానులను పలకరించిన ఈ హీరో ప్రస్తుతం 'దళపతి 68' అనే వర్కింగ్ టైటిల్తో తెరకెక్కుతున్న సినిమాలో బిజీగా ఉన్నారు. ఈ చిత్రాన్ని దర్శకుడు వెంకట్ ప్రభు తెరకెక్కిస్తున్నారు. అయితే ఈ సినిమా కోసం అత్యాధునిక సాంకేతికను వాడబోతున్నారని తెలుస్తోంది. ఇప్పటికే ఈ సినిమా షూటింగ్ ప్రారంభమైంది. అందులో భాగంగా యూఎస్లో విజయ్ త్రీడీ వీఎఫ్ఎక్స్ స్కాన్ కూడా తీశారు.
తాజాగా సమాచారం ప్రకారం కథలో భాగంగా విజయ్ దాదాపు 10 నిమిషాల పాటు వింటేజ్ లుక్లో కనిపించనున్నారు. ఇలా విజయ్ వయసు తగ్గించడానికి చిత్ర బృందం డీ-ఏజింగ్ టెక్నాలజీ వాడుతోందట. విదేశీ నిపుణుల సహాయంతో దాదాపు రూ.6 కోట్లు ఖర్చు చేసి విజయ్ వయసు తగ్గించబోతున్నారని తెలుస్తోంది. ఇప్పటిదాకా తలపతి విజయ్ చేసిన రెగ్యులర్ కమర్షియల్ సినిమాలకు భిన్నంగా ఈ సినిమా కొత్తగా ఉండబోతుందట. విజయ్ యంగ్ లుక్లో కనిపించబోతున్నారని తెలియడం వల్ల ఫ్యాన్స్ ఖుషీ అవుతున్నారు.
అయితే ఈ డీ-ఏజింజ్ టెక్నాలజీ ఇంతకముందు బాలీవుడ్లో షారుక్ ఖాన్ సినిమాలో వాడారు. 'ఫ్యాన్' మూవీలో షారుక్ వయసు తగ్గించారు. ఈ సినిమాలో షారుక్లా ఉన్న గౌరవ్ అనే పాత్రకు ఈ డీ-ఏజింగ్ టెక్నిగ్ వాడారు. ఇక హాలీవుడ్లో గార్డియన్స్ ఆఫ్ గ్యాలక్సీ, సివిల్ వార్, డెడ్ మెన్ టెల్ నో టేల్స్, యాంట్ మ్యాన్ వంటి తదితర సినిమాల్లో ఈ టెక్నాలజీని ఉపయోగించారు.
Thalapathy 68 Cast : ప్రస్తుతం ఈ 'దళపతి 68' షూటింగ్ హైదరాబాద్లో జరుగుతోంది. మరో షెడ్యూల్ కోసం త్వరలో చిత్ర యూనిట్ ఇస్తాంబుల్ బయలుదేరనుంది. 'దళపతి 68'లో విజయ్తో పాటు మీనాక్షి చౌదరి లీడ్ రోల్లో నటిస్తోంది. ఇక ఈ సినిమాలో సీనియర్ హీరోయిన్స్ లైలా, స్నేహ కూడా నటిస్తున్నారు. ప్రభుదేవా, ప్రశాంత్, యోగి బాబు, అజ్మల్ జయరాం, యుగేంద్రన్, వైభవ్, ప్రేమ్జీ, అరవింద్ ఆకాశ్ తదితరులు కీలక పాత్రలు పోషిస్తున్నారు. ఈ మూవీకి యువన్ శంకర్ రాజా సంగీతం సమకూరుస్తున్నారు.
లావణ్య ప్లేస్లో ఆ బాలీవుడ్ హీరోయిన్ - 'మాయ' చేసేందుకు ఆకాంక్ష రెడీ
పాన్ మసాలా యాడ్లో ఆ ముగ్గురు స్టార్స్ - షాకిచ్చిన అలహాబాద్ హైకోర్టు
