బీస్ట్ ఫేమ్ డైరెక్టర్ నెల్సన్ దిలీప్ కుమార్, సూపర్స్టార్ రజినీకాంత్ల కాంబినేషన్లో తెరకెక్కుతున్న చిత్రం జైలర్. ఇది రజినీకాంత్ 169వ సినిమా. కాగా జైలర్ ఆగస్టు 10 నుంచి థియేటర్లలో సందడి చేయనుందని మూవీ మేకర్స్ అధికారికంగా ప్రకటించారు. ఈ క్రమంలోనే రిలీజ్ డేట్ అనౌన్స్మెంట్ ట్యాగ్తో 47 సెకన్ల వీడియో గ్లింప్స్ను విడుదల చేశారు.
కళానిధి మారన్ భారీ బడ్జెట్‌తో ఈ చిత్రాన్ని నిర్మిస్తున్నారు. తమిళ స్టార్ మ్యూజిక్ డైరెక్టర్ అనిరుధ్ రవిచందర్ ఈ చిత్రానికి సంగీతం అందిస్తున్నాడు. గ్లింప్స్ వీడియోలోనూ బ్యాక్ గ్రౌండ్ మ్యూజిక్తో అనిరుధ్ అదరగొట్టాడు. ఇక రజినీకాంత్ సరసన తమన్నా భాటియా హీరోయిన్గా నటిస్తోంది. కన్నడ స్టార్ నటుడు శివ రాజ్‌కుమార్, మలయాళ సూపర్స్టార్ మోహన్‌లాల్, జాకీ ష్రాఫ్, రమ్య కృష్ణ, కమెడియన్ సునీల్ తదితరులు ఈ సినిమాలో ప్రధాన పాత్రలు పోషిస్తున్నారు. ఈ చిత్రానికి ఆర్. నిర్మల్ ఎడిటింగ్, విజయ్ కార్తీక్ కన్నన్ సినిమాటోగ్రఫీ బాధ్యతలు నిర్వర్తించారు.
ఇకపోతే తాజాగా రిలీజైన గ్లింప్స్ వీడియోలో సూపర్ స్టార్ రజినీ తన ఎంట్రీతో అదరగొట్టారు. తనదైన స్టైల్‌లో కారు నుంచి దిగుతూ కనిపించారు. బ్లూ షర్ట్, కళ్లజోడుతో రజినీ లుక్స్ అదిరిపోయాయంటూ సోషల్ మీడియాలో కామెంట్ల వర్షం కురిపిస్తున్నారు ఫ్యాన్స్. ఈ వీడియోలో వింటేజ్ రజినీని చూశాం అంటూ అభిమానులు తెగ సంబరపడుతున్నారు. అలాగే ఈ చిన్న గ్లింప్స్‌లోనే కన్నడ హీరో రాజ్ కుమార్, మలయాళ స్టార్ మోహన్ లాల్, జాకీ ష్రాఫ్‌తో పాటు సునీల్ క్యారెక్టర్‌ను చూపించారు. ఇండిపెండెన్స్ డే వీకెండ్ బెనిఫిట్‌ను పొందేలా రిలీజ్ డేట్ను ప్లాన్ చేసినట్లు తెలుస్తోంది.
అదే ఆగస్టు నెలలో టాలీవుడ్ మెగాస్టార్ చిరంజీవి, మెహర్ రమేశ్ కాంబినేషనల్లో వస్తున్న 'భోళా శంకర్' విడుదల కానుంది. మే డే రోజున కార్మికుల దినోత్సవాన్ని పురస్కరించుకుని చిత్ర యూనిట్ ఓ పోస్టర్ను విడుదల చేసింది. ఈ పోస్టర్లో చిరు స్టైలిష్ టాక్సీ డ్రైవర్గా కనిపిస్తున్నారు. 'జైలర్' సినిమా విడుదలైన మరుసటి రోజే చిరంజీవి సినిమా రిలీజ్ కానుంది. ఈ చిత్రంలోనూ తమన్నా భాటియానే కథానాయిక. చిరంజీవికి సోదరిగా కీర్తి సురేశ్ కీలక పాత్ర పోషిస్తున్నారు. ఇక టాలీవుడ్ మెగాస్టార్, కోలీవుడ్ సూపర్స్టార్ సినిమాలు ఒక్క రోజు గ్యాప్లో థియేటర్లలో సందడి చేయనున్నాయి. ఇండిపెండెన్స్ డే ఫైట్లో ఎవరు పైచేయి సాధిస్తారో అని అటు తమిళ, ఇటు తెలుగు సినిమా ఇండస్ట్రీల్లో ఆసక్తి నెలకొంది.
