యావత్ భారతావని కోరుకున్నట్టే ఆస్కార్ అవార్డ్ 'ఆర్ఆర్ఆర్'కు వచ్చేసింది. ఈ అద్భుతమైన ఘనత సాధించిన తొలి తెలుగు సినిమాగా సరికొత్త చరిత్ర సృష్టించింది. ఈ సందర్భంగా టాలీవుడ్ టు బాలీవుడ్ ప్రతి ఒక్కరూ ఆర్ఆర్ఆర్ టీమ్.. హీరోస్ ఎన్టీఆర్-రామ్ చరణ్, గాయకులు రాహుల్ సిప్లిగంజ్-కాలభైరవ, సంగీత దర్శకుడు కీరవాణి, లిరికిస్ట్ చంద్రబోస్కు కృతజ్ఞతలు తెలుపుతున్నారు. ముఖ్యంగా దర్శకధీరుడు రాజమౌళిని.. ఇండియన్ సినిమా సత్తా చూపించారు అంటూ తెగ పొగిడేస్తున్నారు. సామాన్యుల నుంచి సెలబ్రిటీల వరకు ఆర్ఆర్ఆర్ టీమ్ పేర్లను జపిస్తూ ఆకాశానికెత్తేస్తున్నారు. అయితే ఈ ప్రతిష్టాత్మక ఆస్కార్ మనకు దక్కడానికి వెనక ఓ మాస్టర్ మైండ్ ఉందట. అతని పేరే ఎస్ఎస్ కార్తికేయ. ఆయన మరెవరో కాదు. జక్కన్న సినిమాలు, ఫ్యామిలీ గురించి తెలిసినోళ్లకు కార్తికేయ దాదాపుగా తెలుసు. కానీ సినీ ప్రేక్షకులందరికీ అతను పెద్దగా తెలియకపోవచ్చు. ఈయన వల్లే ఆస్కార్ సాధ్యమైందని అంటున్నారు. అసలు ఈయనకి.. ఆస్కార్ రావడానికి కారణమేంటంటే..
లాస్ ఏంజెల్స్లో ఎంతో ఘనంగా ఆస్కార్ అవార్డుల వేడుక జరిగిన విషయం తెలిసిందే. బెస్ట్ ఒరిజినల్ సాంగ్ విభాగంలో మ్యూజిక్ డైరెక్టర్ కీరవాణి, లిరికిస్ట్ చంద్రబోస్ ఈ అవార్డును స్వీకరించారు. స్టేజీపై కీరవాణి మాట్లాడుతూ దర్శకుడు రాజమౌళితో పాటు కార్తికేయకు మాత్రమే ప్రత్యేకంగా కృతజ్ఞతలు తెలిపారు. దీంతో చాలా మంది సినీ ఆడియెన్స్ కార్తికేయ గురించి తెలుసుకోవడానికి ఇంట్రెస్ట్ చూపిస్తున్నారు.
ఆయన రమా రాజమౌళి.. ఆమె మొదటి భర్తకు జన్మించారు. ఆ తర్వాత రమని వివాహం చేసుకున్న జక్కన్న.. కార్తికేయని సొంత కొడుకు కంటే ఎక్కువ చూసుకుంటున్నారు. వీరిద్దరు ఎంతో ప్రేమగా ఉంటారు. కొంతకాలం పాటు టెక్నీషియన్గా పనిచేసిన కార్తికేయ.. ప్రస్తుతం లైన్ ప్రొడ్యూసర్గా ఉంటున్నారు.
'బాహుబలి'కి ప్రపంచవ్యాప్తంగా గుర్తింపు రావడానికి ఆయనే కారణం అంటుంటారు. మార్కెటింగ్, ప్రమోషన్స్ విషయాలన్ని ఆయనే చూసుకుంటున్నారు. 'ఆర్ఆర్ఆర్'కు కూడా కథ దగ్గర నుంచి ఆస్కార్ దక్కించుకోవడం వరకు ప్రతీది ఆయనే దగ్గరుండి ఎంతో జాగ్రత్తగా చూసుకున్నారట. ముఖ్యంగా ఈ భారీ చిత్రానికి.. ఇతర దేశాల్లో మార్కెటింగ్, సినిమా ప్రదర్శన, ఖర్చులు, అసలు ఈ చిత్రం ఆస్కార్ వరకు వెళ్లేళా పక్కా ప్లానింగ్ చేసిందంటా ఆయనేనట. నిజానికి ఆర్ఆర్ఆర్ను ఉత్తమ విదేశీ చిత్రం విభాగంలో మన దేశం నుంచి జ్యూరీ పంపలేదు. దాంతో ఆస్కార్ ఆశలు ఆవిరైపోయాయని తెలుగు ఆడియెన్స్ బాగా బాధపడ్డారు.
అప్పుడు కార్తికేయ రంగంలోకి దిగారు. వేరియన్స్ ఫిల్మ్స్ సాయంతో ఆస్కార్కు ఆర్ఆర్ఆర్ను పంపడానికి కావాల్సిన అన్ని అర్హతలను సాధించారు. అలా అమెరికా, జపాన్ లాంటి పెద్ద దేశాల్లో స్క్రీనింగ్, భారీ ప్రమోషన్స్ను.. ఇలా ప్రతీ విషయాన్ని దగ్గరుండి మరి ఎంతో బాధ్యతగా చూసుకున్నారు. అలా ఆస్కార్ విషయంలో ఆర్ఆర్ఆర్ టీమ్ మనకు కంటి ముందు కనపడితే... ఆయన మాత్రం తెర వెనక ఉంటూ ఈ ప్రక్రియను అంతా నడిపించారు. ఎట్టకేలకు కోట్ల మంది కలను నెరవేర్చారు. అందుకే కీరవాణి.. కార్తికేయ పేరును ఆస్కార్ స్టేజ్పై ప్రత్యేకంగా ప్రస్తావించి ధన్యవాదాలు తెలిపారు. అందుకే నిర్మాత శోభు యార్లగడ్డ కూడా ఆస్కార్ ప్రకటించిన వెంటనే కార్తికేయను ప్రశంసిస్తూ ట్వీట్ చేశారు. ఈ ఆస్కార్ వెనక కార్తికేయ భారీ కష్టం దాగి ఉందని అన్నారు. అలా మొత్తానికి ఆర్ఆర్ఆర్కు ఆస్కార్ దక్కడానికి కార్తికేయ చాలా కష్టపడ్డారన్నమాట.
ఇదీ చూడండి: 'ఆస్కార్' గిఫ్ట్ బ్యాగ్‌లో అంత కాస్ట్లీ బహుమతులు ఉంటాయా? భలే ఛాన్స్ కదా!
