'పెళ్లి సందD'తో టాలీవుడ్లోకి అరంగేట్రం చేసిన కన్నడ బ్యూటీ శ్రీలీల ప్రస్తుతం తెలుగు ఇండస్ట్రీలో వరుస ఆఫర్లతో దూసుకెళ్తున్నారు. మాస్ మహారాజా రవితేజతో 'ధమాకా'లో నటించిన ఈ బుల్లితెర భామ ఇప్పుడు చేతి నిండా ఆఫర్లతో బిజీగా ఉంటున్నారు. అంతే కాకుండా ఆమె నటించిన సినిమాలు కూడా టాలీవుడ్లో కమర్షియల్‌గా మంచి సక్సెస్ సాధించడం వల్ల ఈ ముద్దుగుమ్మ ఇప్పుడు తెలుగమ్మాయి అయిపోయింది!
అయితే ఇటీవలే ఆహా ఓటీటీ సంస్థ.. శ్రీలీల నటించిన తొలి సినిమా డబ్బింగ్ వెర్షన్ను తన స్ట్రీమింగ్ ప్లాట్ఫామ్లో అప్లోడ్ చేసింది. భవానీ మీడియా సంస్థ ద్వారా ఈ సినిమా ఓటీటీలో స్ట్రీమింగ్ అవుతోంది. కన్నడలో 'కిస్' అనే టైటిల్తో తెరకెక్కిన ఈ సినిమా ఇప్పుడు ఆహాలో 'ఐ లవ్‌ యూ ఇడియట్‌' అంటూ సందడి చేస్తోంది. ఇక ఈ సినిమా ఆహాలోనూ అందరినీ ఆకర్షిస్తోంది.
ఇక సినిమా విషయానికి వస్తే.. గతేడాది డిసెంబరు 17న థియేటర్లలో విడుదలైన ఈ సినిమా అప్పట్లో మంచి టాక్ సొంతం చేసుకుంది. కన్నడ నటుడు విరాట్, శ్రీలీల నటీనటులుగా తెరకెక్కిన ఈ సినిమాకు పూర్ణాచారి పాటలు రాయగా.. హరికృష్ణ బాణీలు కట్టారు. అర్జున్ శెట్టి సినిమాటోగ్రాఫర్‌గా వ్యవహరించగా.. ఎడిటింగ్ బాధ్యతలను దీపు ఎస్ కుమార్ నిర్వర్తించారు. అవిరుద్ర క్రియేషన్స్‌ బ్యానర్పై బత్తుల వసంత తెరకెక్కించిన ఈ సినిమాకు సాయి కిరణ్‌ బత్తుల, సుదర్శన్‌ గౌడ్‌ బత్తుల, ఏపి అర్జున్ నిర్మాతలుగా వ్యవహరించారు. అంతే కాకుండా నిర్మాతగా ఉన్న ఏపీ అర్జున్ ఈ సినిమాకు దర్శకత్వం వహించారు.
ఇక టాలీవుడ్లో శ్రీలీల అప్కమింగ్ మూవీస్ విషయాలకు వస్తే.. ఇటీవలే నందమూరి నట సింహం బాలకృష్ణ-అనిల్ రావిపుడి కాంబినేషన్లో తెరకెక్కుతున్న 'ఎన్బీకే 108'లో ఓ కీలక పాత్రలో నటిస్తున్నారు శ్రీలీల. ఈ సినిమాలో బాలయ్య ఈమెకు బాబాయ్గా కనిపించనున్నారట. ఇప్పటికే ఓ భారీ సాంగ్ను చిత్రీకరించిన మూవీ టీమ్ ప్రస్తుతం షూటింగ్ను శరవేగంగా కొనసాగిస్తోంది. మరోవైపు హరీశ్ శంకర్ దర్శకత్వంలో తెరకెక్కతున్న పవన్ కల్యాణ్ ఉస్తాద్ భగత్ సింగ్ మూవీలో కూడా ఓ కీలక పాత్ర పోషిస్తున్నారు. అంతే కాకుండా ఈ నాయిక ఇప్పుడు రామ్‌- బోయపాటి శ్రీను కాంబోలో వస్తున్న పాన్‌ ఇండియా సినిమాలోనూ హీరోయిన్గా నటిస్తున్నారు. మరోవైపు నితిన్, మహేశ్ బాబు లాంటి అగ్రతారలతోనూ సినిమాలకు సైన్ చేసింది. ఇలా ఇప్పుడు ఈ కన్నడ బ్యూటీ చేతి నిండా ప్రాజెక్టులతో టాలీవుడ్లో మంచి క్రేజ్తో పాటు నేమ్ను కూడా సంపాదించుకున్నారు.
