'జాతిరత్నాలు' ఫేం అనుదీప్ దర్శకత్వంలో తమిళ నటుడు శివకార్తికేయన్ హీరోగా ఓ చిత్రం రూపొందుతోంది. 'ప్రిన్స్' పేరుతో తెరకెక్కుతున్న ఈ చిత్రం విడుదల తేదీ వాయిదా పడింది. తొలుత ఈ సినిమాను ఆగస్టు 31న ప్రేక్షకుల ముందుకు తీసుకొస్తున్నట్టు చిత్ర బృందం సోషల్‌ మీడియాలో ప్రకటించిన సంగతి తెలిసిందే. కార్తికేయన్‌ సరసన ఉక్రెయిన్‌ నటి మరియా నటిస్తోంది. ఇప్పుడు దీపావళి కానుకగా ఈ సినిమాను తీసుకురానున్నారు. ఈ సందర్భంగా సినిమా విడుదల విషయాన్ని తెలియజేస్తూ, శివ కార్తికేయన్‌, అనుదీప్, సత్యరాజ్‌, మరియాలు కలిసి మాట్లాడుకునే ఓ ఫన్నీ వీడియోను విడుదల చేశారు.
- " class="align-text-top noRightClick twitterSection" data="">
'ప్రిన్స్' ఎందుకు ఆలస్యమవుతోందని సత్యరాజ్‌ అడగ్గా, అఫ్గానిస్థాన్‌, కజకిస్థాన్‌, ఉజ్బెకిస్థాన్‌, అంటార్కటికాలలో విడుదల చేద్దామనుకున్నామంటూ అనుదీప్ చెబుతున్న వీడియో నవ్వులు పూయిస్తోంది. సురేష్‌ ప్రొడక్షన్స్‌, శ్రీ వేంకటేశ్వర సినిమాస్‌, శాంతి టాకీస్‌ సంయుక్తంగా నిర్మిస్తున్న ఈ చిత్రానికి తమన్‌ సంగీతం అందిస్తున్నారు. ఫ్యామిలీ ఎంటర్‌టైనర్‌గా అనుదీప్ ఈమూవీని తీర్చిదిద్దారు. ‘డాక్టర్‌’, ‘డాన్‌’ తదితర అనువాద చిత్రాలతో తెలుగు వారికి బాగా దగ్గరయ్యారు శివ కార్తికేయన్‌.
- " class="align-text-top noRightClick twitterSection" data="">
ఓటీటీలో 'విక్రమ్' ఎప్పుడంటే?: కమల్‌హాసన్‌, విజయ్‌ సేతుపతి, ఫహద్‌ ఫాజిల్‌ కీలక పాత్రల్లో లోకేశ్‌ కనకరాజ్‌ దర్శకత్వంలో తెరకెక్కిన మాస్‌ యాక్షన్‌ థ్రిల్లర్‌ 'విక్రమ్'. ఇటీవల ప్రేక్షకుల ముందుకు వచ్చిన ఈ సినిమా బాక్సాఫీస్‌ వద్ద భారీ విజయాన్ని నమోదు చేసింది. కలెక్షన్ల వర్షం కురిపిస్తోంది. లోకేశ్‌ టేకింగ్‌, కమల్, విజయ్‌ సేతుపతి, ఫహద్‌ల నటన మరో స్థాయికి తీసుకెళ్లింది.
- " class="align-text-top noRightClick twitterSection" data="">
ఇప్పటికే థియేటర్‌లో సినిమా చూసిన ప్రేక్షకులు ఓటీటీకి ఎప్పుడు వస్తుందా? అని వేస్తున్నారు. ఈ చిత్ర ఓటీటీ రైట్స్‌ను డిస్నీ+హాట్‌స్టార్‌ దక్కించుకున్న సంగతి తెలిసిందే. ఈ క్రమంలో ఓ వార్త సోషల్‌మీడియా వేదికగా చక్కర్లు కొడుతోంది. జులై 8వ తేదీ నుంచి 'విక్రమ్'ను ఓటీటీలో అందుబాటులోకి తీసుకురానున్నట్లు సమాచారం. దీనిపైన త్వరలోనే అధికారిక ప్రకటన వెలువడనుంది.
ఇదీ చూడండి: నాగ చైతన్య-సమంత-శోభితా ధూళిపాల.. అసలేం జరుగుతోంది?
