Sharukh Khan Dupe : ప్రస్తుతం ఇండియన్ ఫిల్మ్ ఇండస్ట్రీలో బాలీవుడ్ బాద్ షా, సూపర్ స్టార్ షారుక్ ఖాన్ నటించిన లేటెస్ట్ మూవీ 'జవాన్' ఫీవరే కనిపిస్తోంది. ఈ సినిమా ఇప్పటికే రెండు రోజుల్లో రూ.200కోట్లకు(Jawan worldwide Collections) పైగా వసూళ్లను సాధించి.. సరికొత్త రికార్డులు సృష్టించే దిశగా దూసుకెళ్తోంది. ఈ సినిమా రూ.1000కోట్లు కొల్లగొట్టడం ఖాయమని అంటున్నారు.
అయితే విషయానికొస్తే.. ఎంత పెద్ద హీరో అయినా సరే.. వారి సినిమాల్లో డూప్లు ఉండటం సర్వసాధారణం. అలానే షారుక్కు కూడా ఓ డూప్ ఉన్నారు. గత 15ఏళ్లుగా ఆయన షారుక్కు డూప్గా చేస్తున్నారట. ఇప్పుడా వ్యక్తి గురించి సోషల్ మీడియాలో బాగా ట్రెండ్ అవుతోంది. ఎందుకంటే జవాన్ సినిమాలో షారుక్.. తండ్రి, కొడుకులుగా కనిపించి మెప్పించారు. దీంతో ఈ సినిమాలో తండ్రి-కొడుకు పాత్ర కలిసి కనిపించాల్సిన సన్నివేశాల్లో.. షారుక్-డూప్ కలిసి నటించారట.
షారుక్ ఖాన్కు డూప్గా నటించిన వ్యక్తి పేరు ప్రశాంత్ వాల్దే. ఈయన షారుక్ ఖాన్కు డూప్గా జవాన్ సినిమాలో మాత్రమే కాదు చాలా సినిమాల్లో నటించారట. రైటర్, డైరెక్టర్, ప్రొడ్యూసర్గా కెరీర్లో రాణించారట. ఇక ఆయన సంపాదన విషయానికొస్తే.. షారుక్కు డూప్గా నటిస్తున్న ఆయనకు రోజుకు రూ.30 వేల వరకు ఇస్తారట. అంటే నెలకు దాదాపు రూ. 9 లక్షలు. సినిమా మొత్తానికి రూ.30 నుంచి రూ.40 లక్షల వరకు ఛార్జ్ చేస్తారట.
Jawan Cast and Crew : ఇక జవాన్ సినిమాలో నయనతార ఇన్వెస్టిగేషన్ ఆఫీసర్గా నటించగా.. దీపిక పదుకొణె, ప్రియమణి, సునీల్‌ గ్రోవర్‌, సాన్య మల్హోత్ర, యోగిబాబు తదితరులు ఇతర ప్రధాన పాత్రల్లో నటించారు. విజయ్ సేతుపతి పవర్ ఫుల్ విలన్గా వెపన్ స్మగ్లర్గా నటించి ఆకట్టుకున్నారు. అనిరుధ్‌ రవిచందర్‌ సంగీతం, జి.కె.విష్ణు సినిమాటోగ్రఫీ అందించారు. రుబెన్‌ ఎడిటింగ్‌ బాధ్యతలు తీసుకున్నారు. గౌరీ ఖాన్, గౌరవ్‌ వర్మ నిర్మాతలుగా వ్యవహరించారు. రమణ గిరివసన్‌ స్క్రీన్‌ప్లే కథ అందించారు.
