Secret Superstar Movie Record : భారతీయ సినిమా చరిత్రలోనే ప్రపంచవ్యాప్తంగా రూ.1000 కోట్లకుపైగా కలెక్షన్స్ సాధించిన సినిమా జాబితాలో ఆర్ఆర్ఆర్(2022), 'బాహుబలి'(2017), 'కేజీయెఫ్'(2018), 'జవాన్'(2023), 'పఠాన్'(2023) ముందు వరుసలో ఉంటాయి. అయితే ఇన్ని కోట్లు వసూళ్లను అందుకున్న ఈ సినిమాలకు అదే స్థాయిలో బడ్జెట్ను కూడా కేటాయించి ఖర్చు పెట్టారు ఆయా దర్శకనిర్మాతలు. అయితే 2017లో వచ్చిన ఓ హిందీ చిత్రం కూడా దాదాపు వెయ్యి కోట్లకు దగ్గర్లోకి చేరి వసూళ్ల పరంగా సునామీ క్రియేట్ చేసింది. ఆ సినిమానే 2017లో విడుదలైన 'సీక్రెట్ సూపర్ స్టార్'. కేవలం రూ.15 కోట్ల బడ్జెట్తో రూపొందిన ఆ చిత్రం వరల్డ్వైడ్గా రూ.912 కోట్లకు పైగా గ్రాస్ వసూళ్లను అందుకుని సెన్సేషన్ క్రియేట్ చేసింది.
Secret Superstar Movie Cast : హీరో ఆమీర్ ఖాన్ నిర్మాణంలో రూపొందిన ఈ సినిమాకు ప్రముఖ హిందీ డైరెక్టర్ అద్వైత్ చందన్ దర్శకత్వం వహించారు. మామూలుగా ఒక సినిమా వందల కోట్లు కలెక్షన్స్ సాధించందంటే మాత్రం ఆ ఘనత అందులో నటించిన హీరో, హీరోయిన్కు దక్కుతుంటుంది . కానీ, 'సీక్రెట్ సూపర్స్టార్'(Secret Superstar Movie) సినిమా విషయంలో మాత్రం ఇవేవీ కనిపించలేదు. ఒక 15 ఏళ్ల అమ్మాయి లీడ్ రోల్గా ఈ సినిమాను తెరకెక్కించారు. అయినప్పటికీ దర్శకుడు, ఆయన కథపై నమ్మకంతో ఈ సినిమాను ప్రేక్షకులు ఆదరించారు.. కేవలం 15 ఏళ్ల(2017లో) అమ్మాయి జరియా వసీమ్(Zaira Wasim) లీడ్ రోల్లో నటించింది. ఈమె నటనే సినిమాకు ప్లస్ పాయింట్గా మారినా, ఆమీర్ ఖాన్కు ఉన్న క్రేజ్ కూడా సినిమా సంచలన విజయాన్ని సాధించేందుకు సహాయపడింది. ఈ సినిమాలో ఆమీర్ కూడా ఓ గెస్ట్లో మెప్పించారు.
Secret Superstar At Box Office : రూ.15 కోట్ల బడ్జెట్తో నిర్మితమైన 'సీక్రెట్ సూపర్స్టార్' ఓవర్సీస్ బాక్సాఫీస్లో రూ.800 కోట్ల కలెక్షన్స్ను వసూలు చేసింది. భారత్తో కలుపుకొని మొత్తంగా రూ.912 కోట్లను కొల్లగొట్టింది. అయితే ఇతర దేశాలతో పోలిస్తే ఈ సినిమా చైనాలో మాత్రం వసూళ్ల పరంగా అనూహ్యంగా దూసుకుపోయింది. కాగా, ఇప్పటివరకు ఆల్-టైమ్ అత్యధిక వసూళ్లు సాధించిన టాప్ 10 హిందీ చిత్రాలలో Secret Superstars ఒకటి.
Anupama Parameswaran Photo Gallery : చీరకట్టులో మల్లు ముద్దుగుమ్మ.. ఆ చూపుతోనే మాయ చేస్తోందిగా!
