ప్రముఖ హిందీ సీరియల్ నటి వైశాలి ఠక్కర్ ఆత్మహత్య చేసుకుంది. మధ్యప్రదేశ్ ఇందోర్లోని తన ఇంట్లో ఆమె ఉరేసుకుని చనిపోయింది. ఈ ఘటనపై తేజాజీ నగర్ పోలీస్ స్టేషన్లో కేసు మోదైంది. స్థానికుల నుంచి సమాచారం అందుకున్న వెంటనే పోలీసులు ఘటనా స్థలానికి చేరుకున్నారు. సాయిబాగ్ కాలనీలో ఉన్న ఆమె ఇంటి డోర్ తెరిచి చూస్తే.. ఫ్యాన్కు వేలాడుతూ కనిపించిందిని పోలీసులు తెలిపారు. వెంటనే ఎమ్వై ఆస్పత్రికి తరలించామని చెప్పారు. కాగా, వైశాలి ఇంట్లో.. పోలీసులకు ఓ సూసైడ్ నోట్ లభ్యమైంది.
ఎప్పుడూ సోషల్ మీడియాలో చురుకుగా ఉంటుంది వైశాలి. తన పర్సనల్, ప్రొఫెషనల్ విషయాలు కూడా అభిమానులతో పంచుకుంటుంది. తాను ఓ వ్యక్తిని పెళ్లి చేసుకుంటున్నట్లు గత ఏప్రిల్లో సోషల్ మీడియా వేదికగా వెల్లడించింది. అతడు డాక్టర్ అభినందన్ సింగ్ అని తన అభిమానులకు తన ఫియాన్సీ పేరు చెప్పింది. కానీ నెల తర్వాత.. అతడిని పెళ్లి చేసుకోవడం లేదని.. ఎంగేజ్మెంట్ క్యాన్సల్ చేసుకున్నట్టు తెలిపింది.
వైశాలి ప్రస్తుతం హిందీ బుల్లితెర అగ్ర నటీమణుల్లో ఒకరిగా ఉంది. 'ససురాల్ సిమర్ కా' అనే సీరియల్తో మంచి గుర్తింపు తెచ్చుకుంది. 'యే రిస్తా క్యా కేలాటా హై' అనే సీరియల్తో తెరంగేట్రం చేసింది. అనంతరం 'యే హై ఆషికి'లో నటించింది. వైశాలి చివరి సారిగా 'రక్షాబంధన్' షో లో కనిపించింది.
"గత రాత్రి తేజాజి నగర్ పోలీస్ స్టేషన్ పరిధిలో టీవీ నటి వైశాలి ఉరేసుకుని చనిపోయిందని మాకు సమాచారం వచ్చింది. ఆమె మృతదేహం వద్ద తన మాజీ ప్రియుడి వేధింపులతోనే స్ట్రెస్కు గురై ఇలా చేశాననే సూసైడ్ నోట్ లభ్యమైంద"ని ఏసీపీ ఎమ్ రెహమాన్ చెప్పారు.
ఇవీ చదవండి: 'దానికి వాళ్లే కారణం.. రెండుసార్లు ఆత్మహత్య చేసుకోవాలనుకున్నా'
