Samantha Wraps Shakunthalam: స్టార్ హీరోయిన్ సమంత ప్రస్తుతం చేతి నిండా సినిమాలతో ఫుల్ బిజీగా మారింది. వరుసగా షూటింగ్స్‌లో పాల్గొంటోంది. సమంత కీలక పాత్రలో నటిస్తున్న సినిమా 'శాకుంతలం'. డైరెక్టర్ గుణశేఖర్ దర్శకత్వంలో రూపొందుతున్న ఈ పౌరాణిక చిత్రంలో యువరాణి శకుంతలగా కనిపించబోతోంది సామ్. ఇప్పటికే షూటింగ్ను పూర్తి చేసుకున్న ఈ సినిమా పోస్ట్ ప్రొడక్షన్ దశలో ఉంది. తాజాగా తన పాన్ ఇండియా మూవీ 'శాకుంతలం' నుంచి కీలక అప్డేట్ ను షేర్ చేసింది సమంత.
Samantha Shakunthalam Movie: తాజాగా డబ్బింగ్ పూర్తి చేశానంటూ సామ్.. తన సోషల్ మీడియా పేజీలో పోస్టు చేసింది. దీంతో సామ్ అభిమానులు ఎంతో ఆతృతగా ఎదురు చూస్తున్న 'శాకుంతలం' మూవీ విడుదలకు రెడీ అయిపోతోంది. ఇప్పటికే శాకుంతలం నుంచి విడుదలైన ఫస్ట్లుక్ అందరినీ ఆకట్టుకుంది. ఇక ఈ సినిమాలో రాజు దుష్యంతుడిగా దేవ్ మోహన్ నటించారు. అల్లు అర్జున్ కుమార్తె.. అల్లు అర్హ ఈ చిత్రంతో వెండితెరకు ఎంట్రీ ఇవ్వబోతోంది. మోహన్ బాబు, సచిన్ ఖేడేకర్, గౌతమి, అదితి బాలన్ తదితరులు ఈ సినిమాలో కీలకపాత్రల్లో కనిపించబోతున్నారు. గుణశేఖర్ దర్శకత్వం వహిస్తున్న ఈ చిత్రాన్ని గుణ టీమ్‌వర్క్స్, దిల్ రాజు ప్రొడక్షన్స్ బ్యానర్‌పై నీలిమ గుణ, దిల్ రాజు సంయుక్తంగా నిర్మిస్తున్నారు. . ఈ చిత్రానికి మణి శర్మ సంగీతం అందిస్తున్నారు. త్వరలోనే ఈ సినిమా విడుదల తేదీ ప్రకటించే అవకాశం ఉంది.
Samantha Upcoming Movies: ఇక సమంత కొత్త చిత్రాల విషయానికొస్తే.. సామ్ వరుసగా తమిళ, తెలుగు, హిందీ సినిమాల్లో నటిస్తోంది. ఇప్పటికే విగ్నేష్ శివన్ దర్శకత్వంలో తెరకెక్కుతున్న 'కాతు వాకుల రెండు కాదల్' సినిమా షూటింగ్, డబ్బింగ్ను సామ్ పూర్తి చేసింది. యశోద, సిటాడెల్, అరేంజ్‌మెంట్స్ ఆఫ్ లవ్ వంటి చిత్రాలతో నటిస్తూ ఫుల్ బిజీగా మారింది. ఇటు సినిమాలు చేస్తూనే అటు ఐటెం సాంగ్స్ కూడా చేసేస్తోంది సమంత. పుష్ప 2లో కూడా సామ్తో మరో స్పెషల్ సాంగ్ ఉంటుందని ఇప్పటికే చాలా వార్తలు వచ్చాయి.
ఇవీ చదవండి: రణ్బీర్ రెమ్యూనరేషన్ రూ.70 కోట్లు! మరి ఆలియా లెక్క ఎంత?
